← முகப்பு

'AURA KID'ன் வைரல் போஸ் - பெற்றோருக்கு அடித்த லக்!

மகாராஷ்டிரா மாநிலத்தின் யவத்மால் பகுதியைச் சேர்ந்த இரண்டு வயது சிறுவன் ருத்ரான்ஷ் சிங் தாக்கூர், தனது அசத்தலான தோரணையால் சமூக வலைதளங்களில் மிகப்பெரிய கவனத்தை ஈர்த்துள்ளார். புதிய இருசக்கர வாகனத்தின் முன் கம்பீரமாக நின்று அவர் கொடுத்த போஸ் இணையத்தில் கோடிக்கணக்கான பார்வைகளைக் குவித்த நிலையில், அந்த வாகன விற்பனையக உரிமையாளர் அவரது முழுக் கல்விச் செலவையும் ஏற்றுக்கொள்வதாக அறிவித்திருப்பது நெகிழ்ச்சியையும் பாராட்டுகளையும் பெற்றுள்ளது.

'AURA KID'ன் வைரல் போஸ் - பெற்றோருக்கு அடித்த லக்!

சம்பவத்தின் தொடக்கமும் சோஷியல் மீடியா டிரெண்டிங்கும்

நவம்பர் 9 அன்று ருத்ரான்ஷ் என்ற இரண்டு வயது சிறுவன் தனது பெற்றோர் மற்றும் மூத்த சகோதரியுடன் புதிய ஸ்கூட்டரைப் பெறுவதற்காக ஒரு ஹோண்டா ஷோரூமுக்குச் சென்றுள்ளான். அங்கே ஸ்கூட்டருக்கு அருகில் நின்று, கூலிங் கிளாஸ் அணிந்து, இரு கைகளையும் பாக்கெட்டுக்குள் வைத்தவாறு சிறுவன் கொடுத்த போஸ் வீடியோவாகப் படம்பிடிக்கப்பட்டது. இரண்டு வயதுக் குழந்தையின் இந்த இயல்பான அதேநேரம் தன்னம்பிக்கை நிறைந்த பாவனைகள் இணையவாசிகளுக்கு மிகவும் பிடித்துப் போக, இன்ஸ்டகிராம் உள்ளிட்ட சமூக வலைதளங்களில் அந்தக் காணொளி வேகமாகப் பரவியது.

Zamorra BNPD Shopping

Buy Now ! Pay Daily !

இந்தக் காணொளி 10 கோடிக்கும் (100 million) அதிகமான பார்வைகளைத் தாண்டி, சுமார் 13.7 கோடி (137 million) பார்வைகளையும் 68,000-க்கும் மேற்பட்ட கமெண்ட்டுகளையும் பெற்று சாதனை படைத்தது. சிறுவனின் தனித்துவமான முக பாவனைகளைக் கண்ட இணையவாசிகள், ருத்ரான்ஷுக்கு 'ஆரா கிட்' (Aura Kid) என்ற செல்லப் பெயரைச் சூட்டினர். சிலர் அவரைச் சிறிய 'டான்' என்றும், சிலர் வேடிக்கையாக ஹோண்டாவின் புதிய தலைவர் என்றும் வர்ணித்துப் பதிவிட்டனர்.

ஷோரூம் உரிமையாளரின் அதிரடி அறிவிப்பு

குடும்பத்தினர் ஸ்கூட்டர் வாங்கிய 'சாய் பாயிண்ட் ஹோண்டா' (Sai Point Honda) ஷோரூமின் உரிமையாளரான திலீப் போபடே பாட்டீல், இந்த வைரல் காணொளியைக் கவனித்தார். தனது ஷோரூமில் எடுக்கப்பட்ட வீடியோ இவ்வளவு பெரிய வரவேற்பைப் பெற்றதில் மகிழ்ச்சியடைந்த அவர், ருத்ரான்ஷையும் அவரது குடும்பத்தினரையும் ஷோரூமுக்கு அழைத்து மகிழ்ச்சியைப் பகிர்ந்து கொண்டார். அந்த நிகழ்வின் போது, கே.ஜி-1 (KG-1) வகுப்பு முதல் இளங்கலைப் பட்டப்படிப்பு வரை ருத்ரான்ஷின் ஒட்டுமொத்தக் கல்விச் செலவுகளையும் தாமே ஏற்றுக்கொள்வதாக பாட்டீல் அறிவித்தார்.

இந்த அறிவிப்பை சமூக வலைதளங்களில் பகிர்ந்த யஷ் சின்சோல்கர், இது வெறும் பரிசாக மட்டுமல்லாமல், ஒரு குழந்தையின் எதிர்காலத்தை வளர்த்தெடுக்கும் முதலீடாக அமையும் என்று குறிப்பிட்டார். ருத்ரான்ஷின் தாயாரும், தங்கள் மகன் மீது மக்கள் காட்டிய அன்புக்கும் ஆதரவுக்கும் நன்றி தெரிவித்ததுடன், பிற குழந்தைகளின் வீடியோக்களைப் பார்த்து ரசித்த தமக்கு, இன்று சொந்த மகனுக்குக் கிடைத்த இந்த வரவேற்பும் கல்வி உதவியும் மறக்க முடியாத அனுபவமாக அமைந்துள்ளதாக மகிழ்ச்சியுடன் கூறினார்.

Zamorra BNPD Shopping

Buy Now ! Pay Daily !