← முகப்பு

தவெக ஆட்சியில் Vice City ஆகும் தமிழ்நாடு! மு.க.ஸ்டாலின் கலாய் பதிவு!

தற்போது GTA 6 கேம் வெளியாகி பிரபலமடைந்துள்ள நிலையில், பல அரசியல் தலைவர்களும், பிரபலங்களும் GTA கேம் கான்செப்டில் தொடர்ந்து சமூக வலைதளங்களில் பதிவிட்டு வைரல் செய்து வருகின்றனர். அவ்வாறாக பிரதமர் மோடி உள்ளிட்டவர்களின் பதிவு வைரலான நிலையில் தமிழக முன்னாள் முதல்வரும், திமுக தலைவருமான மு.க.ஸ்டாலின், தற்போது தவெக ஆட்சியே மக்களுக்கு Vice City கேமை போல உள்ளதாக விமர்சித்துள்ளார்.

தவெக ஆட்சியில் Vice City ஆகும் தமிழ்நாடு! மு.க.ஸ்டாலின் கலாய் பதிவு!

இதுகுறித்து எக்ஸ் தளத்தில் பதிவிட்டுள்ள அவர் ” சென்னையில் 700 கோடி ரூபாய் மதிப்பிலான ஹெராயின் போதைப் பொருளை ஒன்றிய அரசின் வருவாய்ப் புலனாய்வுத் துறை பறிமுதல் செய்துள்ளது. கடந்த மாதம் நாகையில், 270 கோடி ரூபாய் மதிப்பிலான போதைப் பொருளுடன் த.வெ.க. நிர்வாகியான 'மெத்' பூபாலனின் கடத்தல் சாம்ராஜ்யத்தைப் பிடித்த அதே DRI அமைப்புதான் இதனையும் பிடித்துள்ளது.

Vice City ஆகும் தமிழ்நாடு?

Zamorra BNPD Shopping

Buy Now ! Pay Daily !

நம் மாநிலத்தில் அவர்கள் மாதாமாதம் பிடிக்கிறார்கள். இதில் நமக்கு எழும் கேள்வி என்னவென்றால், தமிழ்நாட்டுக்குள் நடக்கும் இவ்வளவு பெரிய அளவிலான போதைப் பொருள் நடமாட்டங்களை மாநில அரசின் காவல்துறையால் ஏன் பிடிக்க முடியவில்லை? பிடிக்க முடியவில்லையா அல்லது கண்டும் காணாமல் இருக்கிறார்களா? முதலீட்டாளர்களின் முதல் முகவரியாக இருந்த தமிழ்நாடு இப்போது மெத், ஹெராயின் கடத்தல்காரர்களின் favourite destination ஆகிவிட்டது. தொடரும் சட்ட ஒழுங்கு சீர்குலைவு, த.வெ.க.வினரின் கட்டுக்கடங்காத பாலியல் அத்துமீறல்கள், மாபெரும் கொள்ளைச் சம்பவங்கள், குலைநடுங்க வைக்கும் லாக்கப் மரணங்கள் என TVK ஆட்சியில் தமிழ்நாடே Vice City ஆகிக் கொண்டிருக்கிறது.

சிறப்பு அதிரடிப் படை என்ன செய்கிறது?

இவற்றில் இருந்தெல்லாம் திசைதிருப்ப நேற்று புள்ளிவிவரங்களை ஒப்பித்த காவல்துறைத் தலைவர் இந்த ஹெராயின் பறிமுதல் குறித்து என்ன சொல்லப் போகிறார்? எல்லவாற்றுக்கும் 'வழக்கு பதியப்பட்டுள்ளது' என்பதை மட்டுமே பதிலாகத் தரும் அவர், மாநில அரசின் அமைப்புகளால் ஏன் போதைக் கடத்தல்காரர்களைப் பிடிக்க முடியவில்லை என்பதற்கு பதில் சொல்ல வேண்டும். போதைப் பொருள் கடத்தலைத் தடுக்க அமைக்கப்பட்ட 65 சிறப்பு அதிரடிப் படை என்ன செய்துகொண்டிருக்கிறது?

முதலமைச்சர் விஜய் அவர்களின் கட்டுப்பாட்டில் இருக்கும் உள்துறையில் இத்தனை பிரச்சினைகள் நடந்துகொண்டிருக்கிறது. இப்போதும் பேசவில்லை என்றால் எப்போதுதான் அவர் பேசுவார்? த.வெ.க. ஆட்சியில் அக்கட்சியின் ரீல்ஸ்மோகிகள் சட்டவிரோதமாக அணையைக் கூட திறக்கிறார்கள். ஆனால், முதலமைச்சர் விஜயின் வாயை யாராலும் திறக்க முடியவில்லையே!” எனக் கூறியுள்ளார்.

மேலும் இதனுடன் GTA Vice City போஸ்டர் போல TVK Vice City என அவர் வெளியிட்டுள்ள போஸ்டரும் சமூக வலைதளங்களில் ட்ரெண்டாகி வருகிறது.

Zamorra BNPD Shopping

Buy Now ! Pay Daily !