← முகப்பு

ஓராண்டுக்குப் பிறகு ரூ.1 லட்சத்துக்கு கீழ் சரிந்த தங்கம்!

சென்னையில் தங்கம் விலை அதிரடியாகக் குறைந்து, சவரன் ரூ.1 லட்சத்துக்கு கீழ் வந்துள்ளது. ஒரு சவரன் தங்கம் ரூ.99,760-க்கு விற்பனை செய்யப்படும் நிலையில், கடந்த ஓராண்டாக தங்கம் கடந்து வந்த பாதையை இக்கட்டுரையில் பார்க்கலாம்.

ஓராண்டுக்குப் பிறகு ரூ.1 லட்சத்துக்கு கீழ் சரிந்த தங்கம்!

தங்கம் வாங்கக் காத்திருப்போருக்கு மகிழ்ச்சி அளிக்கும் வகையில், இந்த மாதம் தொடக்கத்தில் இருந்தே சென்னையில் ஆபரணத் தங்கத்தின் விலை தொடர்ந்து குறைந்து வந்தது. அந்த வகையில், கடந்த சில நாட்களாகச் சரிவைச் சந்தித்து வந்த தங்கம் விலை, இன்று (நவம்பர் 17) ஓராண்டுக்குப் பிறகு மீண்டும் ஒரு சவரன் ரூ.1 லட்சத்துக்குக் கீழ் குறைந்துள்ளது.

இந்த மாதம் தொடக்கத்தில் இருந்தே தங்கம் விலை தொடர்ந்து சரிவை சந்தித்து வந்தது. அதன்படி, இன்றைய தங்கம், வெள்ளி விலை நிலவரம் 22 காரட் தங்கம் (1 கிராம்) – ரூ.12,470 (ரூ.70 குறைவு) 22 காரட் தங்கம் (1 சவரன்) – ரூ.99,760 (ரூ.560 குறைவு) வெள்ளி (1 கிராம்) – ரூ.190 (மாற்றமில்லை) வெள்ளி (1 கிலோ) – ரூ.1,90,000 (மாற்றமில்லை)

Zamorra BNPD Shopping

Buy Now ! Pay Daily !

கடந்த ஆண்டு டிசம்பர் 15ஆம் தேதி முதன்முறையாக ஒரு சவரன் தங்கம் ரூ.1 லட்சத்தைத் தொட்டது. அதன் பிறகு விலை தொடர்ந்து உயர்ந்து வந்த நிலையில், தற்போது தான் மீண்டும் அந்த அளவுக்குக் கீழ் இறங்கியுள்ளது.

இந்த தொடர் சரிவுக்கு என்ன காரணம்? சர்வதேச சந்தையில் தங்கத்தின் விலை ஒரு அவுன்ஸ் 3,874.41 அமெரிக்க டாலராக இருந்தது. முந்தைய நாளில் அக்டோபர் 2025க்குப் பிறகு இல்லாத அளவுக்குக் குறைந்த தங்கம், இன்று ஓரளவு மீண்டாலும் தொடர்ந்து குறைந்த நிலையிலேயே உள்ளது.

அமெரிக்க டாலரின் மதிப்பு கடந்த 19 மாதங்களில் இல்லாத அளவுக்கு உயர்ந்துள்ளது. மேலும், அமெரிக்க மத்திய வங்கி டிசம்பர் மாதத்தில் வட்டி விகிதத்தை உயர்த்தலாம் என்ற எதிர்பார்ப்பும் அதிகரித்துள்ளது. இதனால் தங்கத்தில் முதலீடு செய்வதில் சில முதலீட்டாளர்கள் தயக்கம் காட்டுகின்றனர்.

டிசம்பர் மாதத்தில் 0.25 விழுக்காடு வட்டி உயர்வு ஏற்பட்டால், வட்டி விகிதம் 95.4 விழுக்காடாக மாறும் சந்தை மதிப்பீடுகள் தெரிவிக்கின்றன. இதுகுறித்த கூடுதல் தகவல்களை அமெரிக்க மத்திய வங்கியின் கூட்டக் குறிப்புகள் மூலம் முதலீட்டாளர்கள் எதிர்பார்த்து வருகின்றனர். வெள்ளியின் விலையும் சர்வதேச சந்தையில் முந்தைய சரிவுக்குப் பிறகு ஓரளவு உயர்ந்துள்ளது.

இனி தங்கம் விலை உயருமா, குறையுமா? அடுத்த சில நாட்களில் அமெரிக்காவின் வட்டி விகித முடிவுகள், டாலரின் மதிப்பு, உலக நாடுகளுக்கு இடையிலான பதற்றங்கள் ஆகியவற்றை வைத்து தான் தங்கத்தின் விலையைத் தீர்மானிக்கமுடியும். வட்டி விகிதம் உயர்ந்தால் தங்கத்தின் விலை மேலும் குறைய வாய்ப்புள்ளது. அதே நேரத்தில், உலக நாடுகளின் மத்திய வங்கிகள் தங்கம் வாங்குவது அதிகரித்தாலோ, சர்வதேசப் பதற்றங்கள் அதிகரித்தாலோ விலை மீண்டும் உயரக்கூடும்.

எனவே, தங்கம் வாங்கத் திட்டமிடுபவர்கள் தினசரி விலை நிலவரத்தைக் கவனிப்பது அவசியம். நகைக்கடைகளில் செய்கூலி, சேதாரம் மற்றும் சரக்கு, சேவை வரி ஆகியவை சேர்க்கப்படுவதால் இறுதிக் கட்டணம் மாறுபடும் என்பதை நினைவில் வைத்துக்கொள்ளுங்கள்.

Zamorra BNPD Shopping

Buy Now ! Pay Daily !