← முகப்பு

முடிவுக்கு வந்த சகாப்தம்! ஓய்வு அறிவித்த ’தல’ தோனி! – அதிர்ச்சியில் ரசிகர்கள்!

பிரபல இந்திய கிரிக்கெட் வீரரான மகேந்திர சிங் தோனி ஐபிஎல் போட்டிகளில் இருந்து ஓய்வு பெறுவதாக அறிவித்துள்ளது ரசிகர்களை அதிர்ச்சியில் ஆழ்த்தியுள்ளது.

முடிவுக்கு வந்த சகாப்தம்! ஓய்வு அறிவித்த ’தல’ தோனி! – அதிர்ச்சியில் ரசிகர்கள்!

இந்தியா முழுவதும் பல கிரிக்கெட் வீரர்களுக்கு ஏராளமான ரசிகர்கள் இருந்தாலும், தமிழக கிரிக்கெட் ரசிகர்களை கட்டிப்போடும் ஒரு வார்த்தை ’தல’ தோனி. பிரபலமான இந்திய கிரிக்கெட் வீரரான மகேந்திர சிங் தோனி கடந்த பல தசாப்தங்களாக இந்திய அணிக்காக விளையாடி வந்தவர் அனைத்து வகை போட்டியிலிருந்தும் ஓய்வை அறிவித்தார். ஆனால் ஐபிஎல் போட்டிகளில் மட்டும் சிஎஸ்கே அணிக்காக தொடர்ந்து விளையாடி வந்தார்.

ஒவ்வொரு முறையும் தோனி ஓய்வு அறிவித்து விடுவாரோ என சிஎஸ்கே ரசிகர்கள் பயந்து பயந்து ஐபிஎல்லை எதிர்நோக்கி வந்த நிலையில், தற்போது உண்மையாகவே தோனி தனது ஓய்வை அறிவித்துவிட்டார். சிஎஸ்கே அணியில் இருந்து ஓய்வு பெறுவதாக தோனி அறிவித்துள்ளது ரசிகர்களை அதிர்ச்சியில் ஆழ்த்தியுள்ளது. ஆனால் அதேசமயம் சிஎஸ்கே அணிக்கு ஆலோசகராக அவர் தொடர்ந்து செயல்படுவார் என்றும் அறிவிப்பு வெளியாகியுள்ளது.

Zamorra BNPD Shopping

Buy Now ! Pay Daily !

தோனியின் ஓய்வு அறிவிப்பு குறித்து சென்னை சூப்பர் கிங்ஸ் அணியின் நிர்வாக தலைவர் கே.எஸ்.விஸ்வநாதன் கூறியபோது, ” ஒரு கிரிக்கெட் வீரராக எம்.எஸ். தோனி சாதித்தவை ஒவ்வொரு ரசிகனின் நினைவிலும் ஆழமாகப் பதிந்துள்ளன. ஆனால், அவர் சென்னையின் ஓர் அங்கமாகவே மாறிப்போனதுதான் தோனியை உண்மையிலேயே சிறப்புமிக்கவராக ஆக்கியது. அவர் இந்த நகரத்தை அரவணைத்தார், நகரமும் அவரைத் தங்களில் ஒருவராக ஏற்றுக்கொண்டது.

"நாம் திரும்பிப் பார்க்கும்போது, கோப்பைகள் நினைவுகூரப்படும், ஆனால் அவற்றை நாம் வென்ற விதமும் நினைவுகூரப்படும். அதுதான் அவருடைய உண்மையான மரபு."

"களத்தில் மஞ்சள் நிற ஜெர்சியில் அவரைப் பார்ப்பதை நாங்கள் தவறவிட்டாலும், அவர் எங்கள் வீரர்களுக்குத் தொடர்ந்து வழிகாட்டுவார் என்பதில் நாங்கள் மகிழ்ச்சியடைகிறோம். இந்தப் பிணைப்பு தொடர்ந்து வளர்ந்து, வரும் ஆண்டுகளில் இந்த அணியை வடிவமைக்கும்."

தோனி, சென்னை சூப்பர் கிங்ஸ் அணியை ஐந்து ஐபிஎல் பட்டங்களுக்கு வழிநடத்தியுள்ளார். இது எந்தவொரு கேப்டனும் வென்ற பட்டங்களுக்கு இணையானதாகும். இது தவிர, இரண்டு சாம்பியன்ஸ் லீக் டி20 பட்டங்களையும் வென்றுள்ளார். இது எந்தவொரு கேப்டனும் வென்ற பட்டங்களுக்கு இணையானதாகும்.

ஒரு கேப்டனாகத் தனது திறமையைத் தவிர, தோனி இந்த லீக்கின் வரலாற்றில் மிகச்சிறந்த பேட்ஸ்மேன்களில் ஒருவராகவும் திகழ்கிறார். அவர் சூப்பர் கிங்ஸ் அணிக்காக 5,314 ரன்களுடன் இரண்டாவது அதிக ரன்கள் எடுத்தவர் ஆவார். மேலும், 272 போட்டிகளில் விளையாடி, சென்னை சூப்பர் கிங்ஸ் அணிக்காக அதிக போட்டிகளில் ஆடியவர் என்ற பெருமையையும் பெற்றுள்ளார். எண்ணற்ற கடைசிப் பந்து வெற்றிகளும் ஹெலிகாப்டர் ஷாட்களும் சிஎஸ்கே மற்றும் ஐபிஎல் வரலாற்றின் ஒரு அங்கமாகிவிட்டன.

ஆனால், புள்ளிவிவரங்களைத் தாண்டி, தோனி கிரிக்கெட் மற்றும் சென்னை சூப்பர் கிங்ஸ் அணியின் மற்றொரு ஜாம்பவான் என்ற அந்தஸ்தை எப்போதோ கடந்துவிட்டார்.

பரபரப்பான ஆட்டத்தின் இறுதிக்கட்டங்களில் ரசிகர்கள் பதற்றத்தில் நகம் கடித்துக்கொண்டிருந்தபோது அவர் வெளிப்படுத்திய அமைதியான மனநிலை, பேட்ஸ்மேன்களை நிலைகுலையச் செய்யும் மின்னல் வேக ஸ்டம்பிங்குகள், மற்றும் வழக்கத்திற்கு மாறான, தனித்துவமான சிந்தனை என—தோனி கோடிக்கணக்கான ரசிகர்களுக்கு நம்பிக்கையூட்டும் ஒரு காரணமாகத் திகழ்ந்தார்.

சென்னை சூப்பர் கிங்ஸ் அணி, எம்.எஸ். தோனி மீண்டும் களமிறங்குவதை ஆவலுடன் எதிர்பார்க்கிறது.” எனத் தெரிவித்துள்ளார்.

இனி ஒவ்வொரு சிஎஸ்கே போட்டியிலும் ஒவ்வொரு தோனி ரசிகரும் அந்த ஹெலிகாப்டர் ஷாட்டையும், சிக்ஸரையும் மிஸ் செய்வார்கள்.

Zamorra BNPD Shopping

Buy Now ! Pay Daily !