சென்னை: தமிழக கோயில்களிலிருந்து வெளிநாடுகளுக்கு கடத்தப்பட்ட 48 சிலைகள் இதுவரை மீட்கப்பட்டுள்ளன. மேலும் 28 சுவாமி சிலைகள் அடையாளம் காணப்பட்டுள்ளன என்று அமைச்சர் பி.கே.சேகர்பாபு தெரிவித்தார். கோயில்கள் சார்பில் நடத்தப்படும் அர்ச்சகர் பயிற்சிப் பள்ளிகளில் ஓராண்டு பயிற்சி முடித்த 2 பெண்கள் உட்பட 89 மாணவர்கள், மூன்றாண்டு பயிற்சி முடித்த 12 மாணவர்கள், தவில் மற்றும் நாதஸ்வர பயிற்சிப் பள்ளியில் மூன்றாண்டு பயிற்சி முடித்த 7 மாணவர்கள் என 108 பேருக்கு அதற்கான சான்றிதழை அறநிலையத் துறை அலுவலகத்தில் நடைபெற்ற நிகழ்ச்சியில் அமைச்சர் பி.கே.சேகர்பாபு நேற்று வழங்கினார். அப்போது செய்தியாளர்களிடம் அவர் கூறியதாவது: 2021-ம் ஆண்டிலிருந்து இதுவரை பயிற்சிப் பள்ளிகளில் பயின்ற 213 பேருக்கு சான்றிதழ்கள் வழங்கப்பட்டுள்ளது. திமுக அரசு பொறுப்பேற்ற பிறகு இதுவரை 43 ஓதுவார்கள் நியமிக்கப்பட்டுள்ளனர். இதில் பெண் ஓதுவார்கள் மட்டும் 12 பேர். திமுக ஆட்சியில் இதுவரை 3,707 கோயில்களுக்கு கும்பாபிஷேகம் நடத்தப்பட்டுள்ளது. கோயில்களில் உள்ள சிலைகளை…
Author: admin
சென்னை: மிச்செலின் நிறுவனம் கார்களுக்கான உயர்ரக டயர்களை முதல்முறையாக இந்தியாவிலேயே தயாரித்திருக்கிறது. இவை அடுத்த ஆண்டில் விற்பனைக்கு வரும் என தெரிவிக்கப்பட்டுள்ளது. வாகனங்களுக்கான டயர் விற்பனையில் சிறந்து விளங்கும் முன்னணி நிறுவனமான மிச்செலின் இந்தியா நிறுவனம் தற்போது எஸ்யுவி, சேடன் கார்களுக்கான உயர்ரக டயர்களை முதல்முறையாக இந்தியாவிலேயே தயாரித்து, அறிமுகம் செய்துள்ளது. இது தொடர்பாக அந்நிறுவனத்தின் இந்திய பிரிவு தலைவர் விட்டோர் சில்வா, மேலாண்மை இயக்குநர் சாந்தனு தேஷ்பாண்டே,மிச்செலின் சென்னை ஆலை இயக்குநர் புளோரன்ட் சாசேட் ஆகியோர் கும்மிடிப்பூண்டியில் செய்தியாளர்களிடம் கூறியதாவது: இந்தியாவில் 10 ஆண்டுகளுக்கு முன்பு 900 கிமீ விரைவுச் சாலை மட்டுமே இருந்தது. இன்றைக்கு 5 ஆயிரம் கிமீ மேல் விரைவுச் சாலைகள் அமைக்கப்பட்டிருக்கின்றன. 2030-ம் ஆண்டுக்குள் விரைவுச் சாலைகள் 16 ஆயிரம் கி.மீட்டரை கடந்திருக்கும். இவை நகரங்களுக்கு இடையேயான தொலைவை குறைக்கின்றன. உதாரணமாக சென்னையில் இருந்து பெங்களூருக்கு செல்வதற்கு 7 மணி நேரமாகும் நிலையில், விரைவில் பெங்களூருவுக்கு…
ஒரு அரிய வானியல் நிகழ்வில், விண்மீன் பார்வையாளரான காமட் 3i/அட்லஸ் 2025 ஆம் ஆண்டில் எங்கள் சூரிய குடும்பத்தை கடந்து செல்கிறது. 130,000 மைல் வேகத்தில் (219,000 கிமீ/மணி) வியக்க வைக்கும் வேகத்தில் பயணிக்கிறது, இந்த வால்மீன் நமது சூரியனுக்கு அப்பால் இருந்து உருவாகிறது, இது சோலார் அமைப்பில் நுழைவதற்கு மூன்றாவது உறுதிப்படுத்தப்பட்ட இடைவெளியின் பொருளாக மட்டுமே அமைகிறது. அதன் கரு, 1 கிலோமீட்டருக்கும் குறைவான அகலமானது, வாயு மற்றும் தூசியின் ஒளிரும் கோமாவால் சூழப்பட்டுள்ளது, இதில் நீர் பனி, கார்பன் டை ஆக்சைடு மற்றும் கார்பன் மோனாக்சைடு ஆகியவை உள்ளன. அக்டோபர் 3, 2025 அன்று, இது செவ்வாய் கிரகத்திற்கு அதன் நெருங்கிய அணுகுமுறையை உருவாக்கும், இது ஈஎஸ்ஏ மற்றும் நாசா விண்கலத்தை விரிவாகக் கவனிக்க அனுமதிக்கிறது. பின்னர், இது பெரிஹெலியனின் போது வியாழன் அருகே கடந்து செல்லும், இது நமது சூரிய குடும்பத்திலிருந்து வெளியேறுவதற்கு முன்பு விண்மீன் வேதியியல்,…
ஹைதராபாத்: ஹைதராபாத்தை சேர்ந்த 68 வயது முதியவர் ஒருவர், கடந்த செப்.17-ம் தேதி உப்பல் பகுதியில் இருந்து தார்நாகா எனும் ஊருக்கு ஷேர் ஆட்டோவில் பயணம் செய்துள்ளார். அதற்கு, செல்போன் மூலம் ஆட்டோ ஓட்டுநர் முகமது மொயின் உத்தீனுக்கு பணம் அனுப்பினார். அப்போது அதே ஆட்டோவில் பயணம் செய்த ஆட்டோ ஓட்டுநரின் நண்பரான முகமது சையது சல்மான் என்கிற சுல்தான், முதியவர் பணம் அனுப்பும்போது, ரகசிய குறியீட்டு எண்ணை பார்த்துள்ளார். பிறகு அந்த முதியவரை திசை திருப்பி செல்போனையும் திருடி விட்டார். பின்னர், முதியவரின் வங்கிக் கணக்கில் இருந்து ரூ.1.95 லட்சத்தை தங்கள் வங்கி கணக்குக்கு மாற்றிக்கொண்டனர். இது தொடர்பான புகாரில் ஹைதராபாத் சைபர் கிரைம் போலீஸார் விசாரணை நடத்தினர். ஆட்டோ ஓட்டுநர் முகமது மொயின் உத்தீனை பிடித்து விசாரணை நடத்தியதில் நடந்த உண்மைகள் வெளிவந்தன. முதியவரின் செல்போன் மூலம் பெட்ரோல் பங்க், கடைகள், என பல இடங்களில் ஸ்கேன் செய்து,…
சென்னை: ‘மாணவர்கள் போக்குவரத்து விதிகளை மதிக்க வேண்டும். விதி மீறலால் உயிரிழப்பு, பொருளாதார இழப்பு ஏற்படுகிறது’ என்று தோல் ஏற்றுமதி குழும மேலாண் இயக்குநர் இரா.செல்வம் அறிவுறுத்தி உள்ளார். சென்னை வியாசர்பாடி மல்லிகைப்பூ காலனியில் பிறந்தவர் ராணுவ விஞ்ஞானி டில்லிபாபு. இவர் தனது இல்லத்தில் பள்ளி, கல்லூரி மாணவ, மாணவியர்களுக்கான ‘கலாம் சபா’ என்ற நூலகம் மற்றும் வழிகாட்டி மையத்தை நிறுவியுள்ளார். இதை விஞ்ஞானி மயில்சாமி அண்ணாதுரை கடந்த ஆண்டு திறந்துவைத்தார். ‘கலாம் சபா’ நூலகம் சார்பில் மாதாந்திர வழிகாட்டி கூட்டத்தொடரையும் டில்லிபாபு நடத்தி வருகிறார். அதில் சிறந்த ஆளுமைகள் வரவழைக்கப்பட்டு, அவர்களுடன் கலந்துரையாடல் நிகழ்ச்சி நடத்தப்படுகிறது. அதன் 8-வது நிகழ்வாக அக்.1-ம் தேதி ‘ஹார்வர்டு நாட்கள்’ என்ற தலைப்பில் கலந்துரையாடல் நிகழ்ச்சி நடைபெற்றது. இதில், தோல் ஏற்றுமதி குழு மேலாண் இயக்குநர் இரா.செல்வம் பங்கேற்று, அவர் எழுதிய ‘ஹார்வர்டு நாட்கள்’ நூலில் போக்குவரத்து விதிமீறல் குறித்து எழுதியது தொடர்பாக விஞ்ஞானி…
மூன்று காலகட்டங்களில், 3 நிலப்பகுதிகளில் நடக்கும் காதல் கதையை மையமாகக் கொண்டு ‘அமரம்’ என்ற படம் உருவாகியுள்ளது. இதை திருஅருள்கிருஷ்ணன் இயக்கியுள்ளார். திவ்ய சேத்ரா பிலிம்ஸ் சார்பில் நிர்மலா ராஜன் வழங்க, சி.ஆர்.ராஜன் தயாரித்துள்ளார். இதில் ராஜன் தேஜேஸ்வர், ஐராஅகர்வால் நாயகன், நாயகியாக நடித்துள்ளனர். ஜார்ஜ், சாய் தீனா,நாகிநீடு, கல்கி ராஜன், ஹரிஷ் பெரேடி, வாசுதேவன் முரளி உள்படபலர் நடித்துள்ளனர். மிக்கி ஜெ.மேயர் இசையமைத்துள்ளார். பரத்குமார், கோபிநாத் ஒளிப்பதிவு செய்துள்ளனர். இந்தப் படம் பற்றி திரு அருள் கிருஷ்ணன் கூறும்போது, “இதுவரை திரையில் பார்த்திராத அதிரடி காட்சிகளுடன் ஆக் ஷன் விருந்தாக இந்தப்படம் இருக்கும். மிராக்கிள் மைக்கேல் புதுவிதமான பாணியில் சண்டைக் காட்சிகளை வடிவமைத்துள்ளார். இதுவரை சொல்லப்படாத, கிழக்கு காடு மக்களின் வாழ்க்கையை சொல்லும் இந்தப்படம், பார்வையாளர்களுக்கு புது அனுபவமாக இருக்கும்” என்றார்.
சென்னை: சென்னை மாநகரில் தெரு நாய்கள் மற்றும் செல்லப் பிராணிகளுக்கு உரிமம் வழங்குதல், மைக்ரோசிப் பொருத்துதல் உள்ளிட்ட பணிகளுக்கு ஒருங்கிணைந்த மேலாண்மை இணையதளம் தொடங்கப்பட்டுள்ளது. சென்னை மாநகராட்சி எல்லைக்குள் செல்லப் பிராணிகளை வளர்ப்பதற்கு உரிமம் பெறுவது கட்டாயமாக்கப்பட்டுள்ளது. செல்லப் பிராணிகள் வளர்ப்பை முறைப்படுத்த கடந்த 2023-ம் ஆண்டு, ஆகஸ்ட் மாதம் முதல் மாநகராட்சி இணையதளம் வாயிலாக செல்லப்பிராணி உரிமம் பெறுவது நடைமுறையில் உள்ளது. செல்லப் பிராணிகளின் உரிமையாளர் தங்களின் புகைப்படம், முகவரிச் சான்று, செல்லப்பிராணி புகைப்படம் மற்றும் வெறிநாய்க்கடி நோய் தடுப்பூசி செலுத்தப்பட்ட சான்றிதழ் ஆகியவற்றை பதிவேற்றம் செய்து ரூ.50 உரிமக் கட்டணமாகச் செலுத்தி உரிமம் பெற்று வருகின்றனர். கடந்த 2024-ம் ஆண்டுமுதல் இந்த ஆண்டு செப்டம்பர் மாதம் வரை 12,393 உரிமங்கள் வழங்கப்பட்டுள்ளன. இந்நிலையில் நாட்டிலேயே முதன்முறையாக சென்னை மாநகராட்சியில் நாய்களுக்கு மைக்ரோசிப் செலுத்துதல், உரிமம் வழங்குதல் உள்ளிட்ட ஒருங்கிணைந்த மேலாண்மை இணையதள சேவை உருவாக்கப்பட்டுள்ளது. இந்த சேவையை ரிப்பன்…
பெங்களூரு: பெங்களூருவில் படுக்கை அறையில் ரகசிய கேமரா வைத்து மனைவியின் அந்தரங்க வீடியோவை பதிவு செய்த கணவர் மீது போலீஸார் வழக்கு பதிந்துள்ளனர். பெங்களூரு புட்டேனஹள்ளியை சேர்ந்த 27 வயதான பெண் போலீஸில் அளித்த புகாரில் கூறியிருப்பதாவது: எனக்கும் புட்டேனஹள்ளியை சேர்ந்த சையத் இனாமுல் (35) என்பவருக்கும் கடந்த ஆண்டு டிசம்பரில் திருமணம் ஆனது. வரதட்சணையாக 340 கிராம் நகை, இரு சக்கர வாகனமும் கொடுத்தோம். பின்னர் என் கணவர் சையத் இனாமுலுக்கு ஏற்கெனவே திருமணமானது தெரியவந்தது. இதுகுறித்து அவரிடம் கேட்டபோது, என்னை தாக்கினார். மேலும் படுக்கை அறையில் ரகசிய கேமரா வைத்து அவர் என்னோடு நெருக்கமாக இருப்பதை வீடியோவாக பதிவு செய்துள்ளார். மேலும் அவருக்கு 19 பெண்களுடன் தொடர்பு இருப்பது தெரியவந்தது. அவர் என்னுடன் நெருக்கமாக இருக்கும் வீடியோவை வெளிநாடுகளில் உள்ள நண்பர்களுடன் பகிர்ந்துள்ளார். வெளிநாடுகளில் இருந்து அவர்கள் பெங்களூரு வரும்போது என்னை அவர்களுடன் பாலுறவு வைத்துக் கொள்ளும்படி வலியுறுத்தினார்.…
அகமதாபாத்: மேற்கு இந்தியத் தீவுகள் அணிக்கெதிரான முதல் டெஸ்ட் போட்டியின் முதல் இன்னிங்ஸில் இந்திய அணி வீரர்கள் கே.எல்.ராகுல், துருவ் ஜூரல், ரவீந்திர ஜடேஜா ஆகியோர் சதம் விளாசினர். இதையடுத்து முதல் இன்னிங்ஸில் இந்திய அணி 286 ரன்கள் முன்னிலை பெற்றுள்ளது. 2-ம் நாள் ஆட்ட நேர முடிவில் இந்திய அணி முதல் இன்னிங்ஸில் 5 விக்கெட் இழப்புக்கு 448 ரன்கள் குவித்துள்ளது. மேற்கு இந்தியத் தீவுகள் அணி, இந்தியாவில் சுற்றுப்பயணம் செய்து டெஸ்ட் தொடரில் விளையாடி வருகிறது. இவ்விரு அணிகளுக்கு இடையிலான முதல் டெஸ்ட் போட்டி அகமதாபாத்தில் உள்ள நரேந்திர மோடி மைதானத்தில் கடந்த 2-ம் தேதி தொடங்கியது. முதலில் விளையாடிய மேற்கு இந்தியத் தீவுகள் அணி முதல் இன்னிங்ஸில், 162 ரன்களுக்கு ஆட்டமிழந்தது. அதிகபட்சமாக ஜஸ்டின் கிரீவ்ஸ் 32 ரன்கள் எடுத்தார். இந்திய அணி தரப்பில் முகமது சிராஜ் 4, ஜஸ்பிரீத் பும்ரா 3, குல்தீப் யாதவ் 2,…
பிரபு சாலமன் இயக்கத்தில் புதுமுகம் மதி அறிமுகமாகும் படம், ‘கும்கி 2’. இதில், முக்கிய கதாபாத்திரத்தில் அர்ஜுன் தாஸ் நடித்துள்ளார். ஷ்ரிதா ராவ், ஆண்ட்ரூஸ், ஆகாஷ், ஹரிஷ் பெரேடி, ஸ்ரீநாத் மற்றும் பலர் நடித்துள்ளனர். நிவாஸ் கே பிரசன்னா இசை அமைத்துள்ளார். சுகுமார் ஒளிப்பதிவு செய்துள்ள இந்தப் படத்தை பென் ஸ்டூடியோஸ், பென் மருதர் சினி என்டர்டெய்ன்மென்ட்ஸ் சார்பில் ஜெயந்திலால் காடா, தவல் காடா தயாரித்துள்ளனர். “இந்தப் படம், ஓர் இளைஞனுக்கும் ஓர் அற்புதமான யானைக்கும் இடையேயான தூய்மையான, நிபந்தனையற்ற நட்பைப் பேசுகிறது. இந்தப் படம் மூலம் அறிமுகமாகும் மதி, கதாபாத்திரத்துக்குத் தேவையான கடினமான காட்சிகளை எளிதாகச் செய்துள்ளார். யானையுடன் நடிக்கப் பயிற்சி எடுத்துக் கொண்டார். காட்டுப் பாதைகளில் நடப்பதோ, யானைகளுடன் நேரடியான காட்சிகளில் பணிபுரிவதோ எதுவாக இருந்தாலும் கடின உழைப்பைக் கொடுத்துள்ளார்” என்று பிரபு சாலமன் தெரிவித்துள்ளார்.