33 தாமஸ் தெரு/ படம்: எக்ஸ் காட்சிகளால் ஈர்க்கப்பட்ட ஒரு நகரத்தில், மன்ஹாட்டனின் மிக உயரமான கோபுரங்களில் ஒன்று இல்லை. லோயர் மன்ஹாட்டனில் உள்ள 33 தாமஸ் தெருவில், 550-அடி கான்கிரீட் பிளாக் சிவிக் சென்டருக்கு மேலே ஜன்னல்கள் இல்லாமல், காணக்கூடிய வாழ்க்கை மற்றும் தெளிவான விளக்கமின்றி உயர்ந்துள்ளது. கட்டிடத்தின் சமீபத்திய வீடியோ ரெடிட்டில் மீண்டும் தோன்றியபோது, பழைய கேள்வி பலத்துடன் மீண்டும் வந்தது: இந்த விஷயத்தில் சரியாக என்ன நடக்கிறது? பிரபலங்களும் ஆர்வத்தில் இணைந்துள்ளனர். 2017 இல், டாம் ஹாங்க்ஸ் X இல் கட்டமைப்பின் புகைப்படத்தை வெளியிட்டு எழுதினார்: “இது நான் பார்த்தவற்றில் மிகவும் பயங்கரமான கட்டிடம்! WTF உள்ளே செல்கிறதா?” பல ஆண்டுகளுக்குப் பிறகு, கோபுரம் இன்னும் நடைபாதையில் இருந்து எந்த துப்புகளையும் வழங்கவில்லை – வெற்று கிரானைட் சுவர்கள் மற்றும் ஒரு சில காற்றோட்ட திறப்புகள்.33 தாமஸ் தெரு உண்மையில் எதற்காக கட்டப்பட்டது கட்டிடம் கைவிடப்பட்ட நினைவுச்சின்னம்…
Author: admin
சபரிமலை: சபரிமலையில் ஏற்பட்டுள்ள கடும் நெரிசலில் சிக்கி குழந்தைகள், முதியோர் பெரும் அவதிக்குள்ளாகி வருகின்றனர். வரிசையில் நீண்ட நேரம் காத்திருந்த மூதாட்டி ஒருவர் மாரடைப்பால் உயிரிழந்தார். சபரிமலை ஐயப்பன் கோயிலில் ஆன்லைன் மூலம் 70 ஆயிரம் பேரும், ஸ்பாட் புக்கிங் மூலம் 20 ஆயிரம் பேரும் என மொத்தம் 90 ஆயிரம் பக்தர்கள் தினமும் அனுமதிக்கப்படுவர் என்று தேவசம் போர்டு தெரிவித்துள்ளது. ஆனால் ஸ்பாட் புக்கிங்கில் கட்டுப்பாடின்றி பக்தர்கள் அனுமதிக்கப்படுகின்றனர். இதனால் நெரிசல் ஏற்பட்டு பம்பை, மரக்கூடம் உள்ளிட்ட பல பகுதிகளிலும் பக்தர்கள் வெகுநேரம் நிறுத்தி வைக்கப்பட்டு பின்பு அனுமதிக்கப்படுகின்றனர். 6 மணி நேரத்துக்கும் மேல் காத்திருக்கும் நிலை ஏற்படுகிறது. அதுவரை குடிநீர், கழிப்பிட வசதி இல்லாததால் பக்தர்கள் பெரும் பரிதவிப்புக்கு உள்ளாகி வருகின்றனர். இத்துடன் கடும் நெரிசலும் ஏற்படுவதால் பலருக்கும் மூச்சுத்திணறல் ஏற்பட்டு வருகிறது.
இந்நிலையில், இந்திய பயனர்களுக்காக சில அப்டேட்களை கூகுள் மேப்ஸில் கூகுள் நிறுவனம் கடந்த 6-ம் தேதி அறிமுகம் செய்தது. அந்த வகையில் கூகுளின் ஏஐ அசிஸ்டன்ட் Gemini-யை, கூகுள் சேர்த்துள்ளது. இதன் மூலம் கூகுள் மேப்ஸ் செயலியில் இருந்தபடி பயனர்கள் Gemini உதவியை பெறலாம்.அதேபோல பயனர்கள் பயணிக்கும் சாலையின் ஸ்பீடு லிமிட், விபத்து ஏற்படும் இடம் குறித்த தகவலையும் கூகுள் மேப்ஸில் இப்போது அறிந்து கொள்ள முடியும். இப்போதைக்கு இந்த அம்சம் டெல்லி, மும்பை, பெங்களூரு நகரங்களில் மட்டும் அறிமுகமாகும் என அறிவிக்கப்பட்டுள்ளது. முதல் முறையாக சந்தையில் இந்த அம்சத்தை கூகுள் அறிமுகம் செய்துள்ளது குறிப்பிடத்தக்கது.
இதில் 10, 11, 12-ம் வகுப்புகளுக்கு டிச. 10-ம் தேதியும், 6 முதல் 9-ம் வகுப்புகளுக்கு டிச.15-ம் தேதியும் தேர்வுகள் தொடங்கும். இதற்குரிய பாடவாரியான கால அட்டவணை பள்ளிகளுக்கு அனுப்பி வைக்கப்பட்டுள்ளது.அதேபோல், தொடக்கப் பள்ளிகளில் 1 முதல் 5-ம் வகுப்பு வரை பயிலும் குழந்தைகளுக்கான தேர்வு டிசம்பர் 15-ல் தொடங்கி 23-ம் தேதி வரை முடிவடையும். தேர்வுகள் காலை, மதியம் என வேளைகளில் நடத்தப்பட உள்ளது. தொடர்ந்து அனைத்து வகுப்புகளுக்கும் டிசம்பர் 24 முதல் ஜனவரி 1-ம் தேதி வரை அரையாண்டு விடுமுறை வழங்கப்படும். இந்த விடுப்பு முடிந்து பள்ளிகள் மீண்டும் ஜனவரி 2-ல் பள்ளிகள் திறக்கப்படும். இவ்வாறு அதில் கூறப்பட்டுள்ளது.
இந்திய கிரிக்கெட் அணி அதன் சொந்த மண்ணிலேயே டெஸ்ட் போட்டியில் 124 ரன்கள் எடுக்க முடியாமல் தோற்று விட்டு ‘மாற்றத்தில் இருக்கிறது அணி’ என்றெல்லாம் சப்பைக்கட்டு கட்டாதீர்கள், இந்திய ஏ அணியே தென் ஆப்பிரிக்காவை வீழ்த்தியிருக்கும் என்று முன்னாள் இந்திய வீரர் புஜாரா சாடியுள்ளார். கொல்கத்தாவில் ‘ரேங்க் டர்னர்’ பிட்ச் வேண்டும் என்று கேட்டு விட்டு, பிட்சில் ஒன்றும் பெரிய பூதங்களெல்லாம் இல்லை என்றும் பேட்டர்களுக்கு டெக்னிக் பத்தாது என்றும் ஒரு பயிற்சியாளராக இருந்து கொண்டே கம்பீரினால் பேச முடிந்துள்ளது பற்றி பிசிசிஐ என்ன கருதுகிறது என்பது இன்னும் தெரியவில்லை.
முன்னாள் உள்துறை அமைச்சர் அசாதுஸ்மான் கான் கமலும் குற்றவாளி என நிரூபிக்கப்பட்ட பின்னர், அவருக்கும் மரண தண்டனை விதிக்கப்பட்டது. நீதிமன்றத்தில் ஆஜராகி குற்றத்தை ஒப்புக்கொண்ட முன்னாள் காவல் துறைத் தலைவர் சவுத்ரி அப்துல்லா அல்-மாமுனுக்கு, ஐந்து ஆண்டுகள் சிறைத்தண்டனை விதிக்கப்பட்டது.ஷேக் ஹசீனா மூன்று குற்றச்சாட்டுகளில் குற்றவாளி எனக் கண்டறியப்பட்டார். இதில் வன்முறையை தூண்டுதல், கொலை செய்ய உத்தரவு மற்றும் அட்டூழியங்களைத் தடுக்க நடவடிக்கை எடுக்காதது ஆகியவை அடங்கும் என்று டாக்காவில் சர்வதேச குற்றவியல் நீதிமன்றத்தில் நீதிபதி கோலம் மோர்டுசா மொசும்தர் தெரிவித்தார். மேலும், “அவருக்கு ஒரே ஒரு தண்டனையை மட்டுமே விதிக்க முடிவு செய்துள்ளோம், அதாவது மரண தண்டனை.” என்றார்.
தொடர்ந்து தந்திரி கண்டரரு மகேஷ் மோகனரு புதிய மேல்சாந்திகள் மீது புனித தீர்த்தம் தெளித்து மூலமந்திரத்தை உபதேசித்து, பதவி ஏற்கச் செய்தார். இருவரும் ஓராண்டுக்கு சபரிமலையிலேயே தங்கி வழிபாடுகளை மேற்கொள்வார்கள். பதவியேற்பு சடங்கு நிகழ்ச்சிக்குப் பிறகு கோயிலில் வேறு வழிபாடுகள் இன்றி இரவு 11 மணிக்கு நடை சாத்தப்பட்டது. இன்று அதிகாலை 3 மணிக்கு புதிய மேல்சாந்தி பிரசாத் நம்பூதிரி கோயில் நடையை திறந்து வழிபாடுகளை மேற்கொள்ள உள்ளார்.மண்டல வழிபாடு தொடங்கியதை முன்னிட்டு, ஏராளமான பக்தர்கள் சரண கோஷத்துடன் தர்ம சாஸ்தாவை வழிபட்டு வருகின்றனர். முதல் நாளான நேற்று ஆந்திரா, கர்நாடகா, தெலங்கானா பக்தர்களின் வருகை அதிகம் இருந்தது. பிற்பகலில் பம்பை, எரிமேலி உள்ளிட்ட பகுதிகளில் பக்தர்களின் கூட்டம் அதிகமாக இருந்தது. சத்திரம், எரிமேலி, அழுதகடவு உள்ளிட்ட வனப் பாதைகள் இன்று காலை 8 மணி முதல் திறக்கப்பட உள்ளன.
‘த தின்மேன்’தொடரின் ஐந்தாவது படைப்பு ‘த தின் மேன் கோஸ் ஹோம்- 1944’. ஓய்வெடுக்கச் சென்றவர் ஓவிய(னின் மரண)த்தில் ஒளிந்திருக்கும் ஒற்று ரகசியத்தை கண்டறிவதே ஒருவரிக் கதை. நிக், தனது மனைவி நோரா, செல்ல நாய் அஸ்டாவுடன் ‘சிகமோர் ஸ்பிரிங்ஸ்’என்ற சொந்த கிராமத்துக்கு வருகிறார். வாஞ்சையுடன் வரவேற்கிறார் அம்மா. அப்பா டாக்டர் பெர்ட்ரம் சார்லஸுக்கு நிக் பார்க்கும் வேலை பிடிக்கவில்லை என்ற அதிருப்தியை வெளிப்படுத்துகிறார். புல்வெளியில் ஊஞ்சல் கட்டி படுத்தபடி, நோராவிடம் பழைய நினைவுகளை அசை போடுகிறார் நிக்.
திருநெல்வேலி: தமிழகம் வரும் பிரதமரை சந்திப்பது சஸ்பென்ஸ் என்றும், பொறுத்திருந்து பாருங்கள் என்றும் அதிமுக முன்னாள் அமைச்சர் செங்கோட்டையன் கூறினார். அதிமுகவிலிருந்து நீக்கப்பட்ட செங்கோட்டையன், நெல்லையில் வ.உ.சிதம்பரனாரின் 89-வது நினைவு நாளையொட்டி, அவரது சிலைக்கு நேற்று மாலை அணிவித்து மரியாதை செலுத்தினார்.
கடந்த சில நாட்களாக தங்கம் விலை இறங்குமுகமாக இருந்து வருகிறது. சென்னையில் 22 காரட் ஆபரணத் தங்கம் கிராமுக்கு ரூ.140 குறைந்து, ஒரு கிராம் ரூ.11,400-க்கு விற்பனை ஆகிறது. தங்கம் விலை பவுனுக்கு ரூ.1,120 என குறைந்து, ஒரு பவுன் ரூ.91,200-க்கு விற்பனை ஆகிறது. சென்னையில் 24 காரட் தங்கம் ஒரு பவுன் ரூ.99,496 மற்றும் 18 காரட் தங்கம் ஒரு பவுன் ரூ.76,080-க்கும் விற்பனை ஆகிறது. கடந்த 14-ம் தேதி முதல் தங்கம் விலை குறைந்து வருகிறது. அந்த வகையில் 5 நாட்களில் கிராமுக்கு ரூ.500 என தங்கம் விலை குறைந்துள்ளது.இன்று வெள்ளி விலையும் சரிந்துள்ளது. சென்னையில் வெள்ளி ஒரு கிராம் ரூ.3 என சரிந்து ரூ.170-க்கு விற்பனை ஆகிறது. ஒரு கிலோ வெள்ளி ரூ.3,000 என விலை குறைந்து ரூ.1,70,000-க்கு விற்பனை ஆகிறது.