சென்னை: அரசு மேல்நிலைப்பள்ளிகளில் முதுகலை பட்டதாரி ஆசிரியர், உடற்கல்வி இயக்குநர் (கிரேடு-1), கணினி பயிற்றுநர் (கிரேடு-1) ஆகிய பதவிகளில் 1,996 காலியிடங்களை நேரடி நியமன முறையில் நிரப்புவதற்கான அறிவிப்பை ஆசிரியர் தேர்வு வாரியம் ஜூலை 10-ம் தேதி வெளியிட்டது.
இதற்கான ஆன்லைன் விண்ணப்பப்பதிவு அன்றைய தினமே தொடங்கி ஆக.12-ம் தேதிமுடிவடைந்தது. தேர்வுக்கு 2 லட்சத்து 36 ஆயிரத்து 530 பேர் விண்ணப்பித்தனர். அவர்களுக்கு கடந்த செப்.30-ம் தேதி ஹால்டிக்கெட் வழங்கப்பட்டது.
