இந்நிலையில், கடந்த சில தினங்களுக்கு முன்பு சனே தகைச்சி பிரதமராக பதவியேற்றுக் கொண்டார். இதையடுத்து, பிரதமர் மோடி நேற்று தகைச்சியை தொலைபேசியில் தொடர்பு கொண்டு பேசினார். இதுகுறித்து பிரதமர் மோடி தனது எக்ஸ் பக்கத்தில் வெளியிட்ட பதிவில், “ஜப்பான் புதிய பிரதமர் சனே தகைச்சியுடன் தொலைபேசியில் உரையாடினேன். அவர் பிரதமராக பதவி ஏற்றுக் கொண்டதற்கு வாழ்த்து தெரிவித்தேன்.
அத்துடன் பொருளாதார பாதுகாப்பு, ராணுவ ஒத்துழைப்பு உள்ளிட்டவற்றில் இருதரப்பு உறவை மேம்படுத்துவது தொடர்பான தொலைநோக்கு பார்வை குறித்து ஆலோசித்தோம். உலக அளவில் அமைதி, ஸ்திரத்தன்மை, மற்றும் செழிப்பை உறுதி செய்வதற்கு இந்தியா – ஜப்பான் இடையே வலுவான உறவு முக்கியம் என்பதை ஒப்புக்கொண்டோம்” என்று குறிப்பிட்டுள்ளார்.
