சித்தார்த், ராஷி கன்னா ஜோடியாக நடித்துள்ள காமெடி படத்துக்கு ‘ரவுடி அண்ட் கோ’ என்று தலைப்பு வைத்துள்ளனர். இதில் சுனில், யோகி பாபு, ரெடின் கிங்ஸ்ஸி, பிராங்க்ஸ்டர் ராகுல், வெற்றி மணி, சார்லஸ் வினோத் ஆகியோர் நடித்துள்ளனர். வம்சி வில்லனாக நடித்துள்ளார்.
இதை ‘டக்கர்’ படத்தை இயக்கிய கார்த்திக் ஜி கிரிஷ் இயக்கியுள்ளார். அரவிந்த் சிங் ஒளிப்பதிவு செய்துள்ளார். ரேவா இசை அமைத்துள்ளார். பேஷன் ஸ்டுடியோஸ் சுதன் சுந்தரம் தயாரித்துள்ள இப்படம் தமிழ், தெலுங்கு உட்பட 5 மொழிகளில் வெளியாகிறது.
