சென்னை: 22 காரட் ஆபரணத் தங்கத்தின் விலை இன்று (அக்.2) கிராமுக்கு ரூ.70 என சரிந்துள்ளது. அதே நேரத்தில் வெள்ளி விலை கிலோவுக்கு ரூ.2,000 உயர்ந்துள்ளது.
சர்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. அமெரிக்காவில் இறக்குமதி செய்யப்படும் இந்திய பொருட்களுக்கு 50 சதவீதம் வரி விதிப்பு, டாலருக்கு நிகரான இந்திய ரூபாயின் மதிப்பில் சரிவு, உக்ரைன் – ரஷ்யா போர், இஸ்ரேல் – ஹமாஸ் மோதல் உள்ளிட்ட காரணங்கள் தங்கம் விலை அதிகரித்துக் கொண்டே வருகிறது.
கடந்த 26-ம் தேதி முதல் தங்கம் விலை தொடர்ந்து உயர்ந்து வந்த நிலையில் இன்று தங்கம் விலை சற்றே குறைந்துள்ளது. சென்னையில் இன்று 22 காரட் ஆபரணத் தங்கத்தின் விலை கிராமுக்கு ரூ.70 குறைந்து, ஒரு கிராம் ரூ.10,880-க்கு விற்பனை ஆகிறது. பவுனுக்கு ரூ.560 குறைந்து, ஒரு பவுன் தங்கம் ரூ.87,040-க்கு விற்பனை ஆகிறது. இதேபோல 24 காரட் தங்கம் பவுனுக்கு ரூ.616 குறைந்து ஒரு பவுன் ரூ.94,952-க்கும், 18 காரட் தங்கம் பவுனுக்கு ரூ.360 குறைந்து ஒரு பவுன் ரூ.72,120-க்கும் விற்பனை ஆகிறது.
வெள்ளி விலை உயர்வு: வணிகத் துறை நிறுவனங்கள் பல உற்பத்தி மற்றும் முதலீடு சார்ந்து வெள்ளி முதலீடு மற்றும் கொள்முதலில் ஈடுபட்டு வருகின்றன. பல்வேறு மின்சார பொருட்களின் வடிவமைப்பு பணிகளில் வெள்ளி பயன்படுத்தப்படுகிறது. இதோடு உலக நாடுகளும் வெள்ளியை அதிகளவில் முதலீடு செய்து வருவதும் வெள்ளியின் விலை உயர்வுக்கு காரணம் என துறை சார்ந்த வல்லுநர்கள் தெரிவித்துள்ளனர்.
அந்த வகையில் இன்று வெள்ளி விலை புதிய உச்சத்தை எட்டியுள்ளது. வெள்ளி கிராம் ஒன்றுக்கு ரூ.2 என விலை உயர்ந்து, ஒரு கிராம் ரூ.163-க்கு விற்பனை ஆகிறது. கட்டி வெள்ளி கிலோவுக்கு ரூ.2,000 உயர்ந்து, ரூ.1,63,000-க்கு விற்பனை ஆகிறது.
