சென்னை: சென்னையில் 22 கேரட் ஆபரண தங்கத்தின் விலை தொடர்ந்து 3-வது நாளாக இன்றும் (ஜூலை 26) குறைந்துள்ளது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்டவை தங்கத்தின் விலையை நிர்ணயிப்பதில் முக்கிய காரணிகளாக உள்ளன. கடந்த ஜனவரி மாத தொடக்கத்தில் ஒரு பவுன் தங்கம் ரூ.58 ஆயிரமாக இருந்தது. பின்னர் தங்கம் விலை படிப்படியாக உயர்ந்தது. தொடர்ந்து, தங்கம் விலை ஏற்ற, இறக்கத்துடன் காணப்பட்டது.
கடந்த 23-ம் தேதி ஆபரணத் தங்கம் ரூ.75 ஆயிரத்தை தாண்டி வரலாற்றில் புதிய உச்சத்தை பதிவு செய்தது. இந்நிலையில் 24-ம் தேதி முதல் தங்கம் விலை குறைந்து வருகிறது. தொடர்ந்து 3-வது நாளாக இன்றும் குறைந்துள்ளது.
அதன்படி, இன்று (சனிக்கிழமை) 22 கேரட் ஆபரணத் தங்கம் கிராமுக்கு ரூ.50 குறைந்து ஒரு கிராம் தங்கம் ரூ.9,160-க்கு விற்பனை செய்யப்படுகிறது. பவுனுக்கு ரூ.400 குறைந்து ஒரு பவுன் ஆபரணத் தங்கம் ரூ.73,280-க்கு விற்பனை செய்யப்படுகிறது.
கடந்த 5 நாட்களில் தங்கம் விலை நிலவரம்:-
ஜூலை 26 ஒரு பவுன் ரூ. 73,280
ஜூலை 25 ஒரு பவுன் ரூ. 73,680
ஜூலை 24 ஒரு பவுன் ரூ.74,040
ஜூலை 23 ஒரு பவுன் ரூ.75,040
ஜூலை 22 ஒரு பவுன் ரூ.74,280
வெள்ளி விலையும் இன்று குறைந்துள்ளது. வெள்ளி கிராமுக்கு ரூ.2 குறைந்து ஒரு கிராம் ரூ.126-க்கும், ஒரு கிலோ கட்டி வெள்ளி ரூ.1,26,000-க்கும் விற்பனையாகிறது.
