சென்னை: தமிழக வெற்றிக் கழகத்தில் 2 கோடி உறுப்பினர்கள் என்ற இலக்குடன் உறுப்பினர் சேர்க்கும் பணி நடைபெற்று வருகிறது. இதற்காக ஏற்கெனவே, இணையதளம் அறிமுகம் செய்யப்பட்டிருந்த நிலையில், தற்போது புதிய செயலியும் வடிவமைக்கப்பட்டுள்ளது.
இதைத்தொடர்ந்து, ஜூலை 20-ம் தேதி (நேற்று) விஜய் தலைமையில் மாவட்ட செயலாளர்கள் கூட்டம் நடைபெறும் என்றும், அதில் உறுப்பினர் சேர்க்கை செயலியை விஜய் அறிமுகம் செய்வார் என்றும் தெரிவிக்கப்பட்டிருந்தது. இந்நிலையில், இந்த நிகழ்ச்சிகள் திடீரென தள்ளிவைக்கப்பட்டுள்ளதாக கூறப்பட்டுள்ளது.
