நார்த்தாம்டன்: இந்தியா ஏ அணிக்கெதிரான 2-வது அதிகாரப்பூர்வமற்ற கிரிக்கெட் டெஸ்ட் போட்டியில் இங்கிலாந்து லயன்ஸ் அணி 327 ரன்களுக்கு ஆட்டமிழந்தது.
கடந்த 6-ம் தேதி தொடங்கிய இந்த போட்டியின் முதல் இன்னிங்ஸில் இந்தியா ஏ அணி 348 ரன்கள் குவித்து ஆட்டம் இழந்தது. இதையடுத்து முதல் இன்னிங்ஸை தொடங்கிய இங்கிலாந்து அணி 2-ம் நாள் ஆட்ட நேர இறுதியில் 3 விக்கெட் இழப்புக்கு 192 ரன்கள் எடுத்திருந்தது.
நேற்று நடைபெற்ற 3-ம் நாள் ஆட்டத்தின்போது அந்த அணி 327 ரன்களுக்கு ஆட்டமிழந்தது. டாம் ஹேய்ன்ஸ் 54, எமிலியோ கே 71, ஜோர்டன் காக்ஸ் 45 ரன்கள் எடுத்தனர்.இந்தியா ஏ அணி தரப்பில் கலீல் அகமது 4, அன்ஷுல் காம்போஜ் , துஷார் தேஷ்பாண்டோ ஆகியோர் தலா 2, தனுஷ்கோட்டியான், நிதிஷ் குமார் ரெட்டி ஆகியோர் தலா ஒரு விக்கெட் வீழ்த்தினர்.
