செயின்ட் லூயிஸ்: அமெரிக்காவின் செயின்ட் லூயிஸ் நகரில் சின்க்ஃபீல்ட் கோப்பை செஸ் தொடர் நடைபெற்று வருகிறது. இதன் 7-வது சுற்றில் இந்திய கிராண்ட் மாஸ்டரான ஆர்.பிரக்ஞானந்தா, பிரான்ஸின் அலிரேசா ஃபிரூஸ்ஜா எதிர்த்து விளையடினார். இதில் கருப்பு காய்களுடன் விளையாடிய பிரக்ஞானந்தா 31-வது நகர்த்தலின் போது வெற்றி பெற்றார்.
உலக சாம்பியனான இந்தியாவின் டி.குகேஷ் தனது 7-வது சுற்றில், அமெரிக்காவின் வெஸ்லி சோவுடன் மோதினார். இதில் கருப்பு காய்களுடன் விளையாடிய குகேஷ் 39-வது நகர்த்தலின் போது தோல்வி அடைந்தார். 10 வீரர்கள் கலந்து கொண்டுள்ள இந்த தொடரில் 7 சுற்றுகளின் முடிவில் அமெரிக்காவின் பேபியானோ கருனா, பிரக்ஞானந்தா ஆகியோர் தலா 4.5 புள்ளிகளுடன் முதல் இரு இடங்களில் உள்ளனர். குகேஷ் 3 புள்ளிகளுடன் 9-வது இடத்தில் உள்ளார்.
