Close Menu
    Facebook X (Twitter) Instagram
    Facebook X (Twitter) Instagram
    India VaaniIndia Vaani
    வரி விளம்பரம்
    Tuesday, July 1
    • Home
    • மாநிலம்
    • மாவட்டம்
    • தேசியம்
    • உலகம்
    • அரசியல்
    • ஆன்மீகம்
    • சினிமா
    • விளையாட்டு
    • கல்வி
    • மேலும்
      • வணிகம்
      • மருத்துவம்
      • அறிவியல்
      • தொழில்நுட்பம்
      • லைஃப்ஸ்டைல்
      • சிறப்பு கட்டுரைகள்
    India VaaniIndia Vaani
    Home»விளையாட்டு»“வைபவ் சூர்யவன்ஷியை சச்சின் உடன் ஒப்பிடாதீர்” – ஸ்டீவ் வாஹ் சொல்லும் காரணம்
    விளையாட்டு

    “வைபவ் சூர்யவன்ஷியை சச்சின் உடன் ஒப்பிடாதீர்” – ஸ்டீவ் வாஹ் சொல்லும் காரணம்

    adminBy adminMay 29, 2025No Comments2 Mins Read
    Share Facebook Twitter Pinterest Copy Link LinkedIn Tumblr Email VKontakte Telegram
    “வைபவ் சூர்யவன்ஷியை சச்சின் உடன் ஒப்பிடாதீர்” – ஸ்டீவ் வாஹ் சொல்லும் காரணம்
    Share
    Facebook Twitter Pinterest Email Copy Link


    14 வயதில் ஐபிஎல் சதம் எடுத்த வைபவ் சூர்யவன்ஷி புள்ளிவிவரங்களை மாற்றி எழுத வைத்தவர் என்ற அளவில் பலரது பாராட்டுகளைப் பெற்று வருகிறார். கிரிக்கெட் ஜாம்பவானும் ஆஸ்திரேலிய அணியின் முன்னாள் கேப்டனுமான ஸ்டீவ் வாஹ் கூட வைபவ் சூர்யவன்ஷியை பாராட்டியுள்ளார். ஆனால், சச்சின் டெண்டுல்கருடன் ஒப்பிடாதீர்கள் என்று எச்சரிக்கவும் செய்துள்ளார்.

    18 வயதில் ஆஸ்திரேலியாவின் அதிவேக பெர்த் பிட்சில் சதம் எடுத்தவர் சச்சின், அதுவும் ஆஸ்திரேலியாவின் பெரிய மிரட்டல் வேகப்பந்து வீச்சுக்கு எதிராக என்றால் அது சாதாரணத் திறமை அல்ல என்கிறார் ஸ்டீவ் வாஹ். ஏனெனில், பெரிய பெரிய ஜாம்பவான் பேட்டர்களெல்லாம் பெர்த் அதிவேக பவுன்ஸ் பிட்சில் சோபிக்க முடியாமல் திணறியுள்ளனர். ஆனால், சச்சின் 18 வயதில் பெர்த்தில் பிரமாதமாக ஆடி அசத்தியவர். லெஜண்ட்களையே மூக்கின் மீது விரல் வைக்கச் செய்தவர்.

    1992-ம் ஆண்டு பெர்த்தில் அதிவேக பவுன்ஸ் பிட்சில் 161 பந்துகளில் 114 ரன்களை விளாசினார் சச்சின் டெண்டுல்கர், மற்ற இந்திய வீரர்களுக்கு அது ஒரு பிட்ச் என்றால் சச்சின் டெண்டுல்கருக்கு அது வேறு வகையான பிட்ச் ஆக இருந்தது. ஆஸ்திரேலிய மண்ணில் 18 வயதில் சதம் கண்ட, அதுவும் பெர்த்தில் சதம் கண்ட அதிசய வீரர் என்ற சாதனையையும் புகழையும் அடைந்தவர் சச்சின் டெண்டுல்கர்.

    மும்பையில் நடைபெற்ற நிகழ்ச்சி ஒன்றில் வைபவ் சூர்யவன்ஷி பற்றி ஸ்டீவ் வாஹிடம் கேட்டபோது, “சச்சின் டெண்டுல்கரை எவருடனும் ஒப்பிட வேண்டாம். ஒரு சிறுவன் (18 வயது), ஆஸ்திரேலிய மண்ணில், அதுவும் பெர்த்தில் சதம் எடுப்பதெல்லாம் முடியாத காரியம். பெர்த் உலக கிரிக்கெட்டில் தனிச்சிறப்பு வாய்ந்த பிட்ச்.

    அங்கு விளையாடுவதில் பல ஜாம்பவான்களும் தோல்வி அடைந்துள்ளனர். அந்தப் பிட்சில் சச்சின் டெண்டுல்கர் அடித்த சதம் மறக்க முடியாதது. சச்சின் டெண்டுல்கர் போல் ஒரு கிரிக்கெட் வீரர் வருவது மிக மிக அரிதே. ஆனால், அதே சமயத்தில் 14 வயது சிறுவன் ஐபிஎல் சதம் அடிப்பார் என்றும் நான் எதிர்பார்க்கவில்லை. அதுவும் நினைத்துப் பார்க்க முடியாத சாதனைதான்.

    நான் என் கிரிக்கெட் வாழ்க்கையில் 14 வயதில் இருந்ததை யோசித்துப் பார்க்கும்போது இத்தகைய சூழலில் இருப்பதையோ, அங்கு இப்படி வெற்றிகரமாக ஆடுவதையோ என்னால் நினைத்துப் பார்க்க முடியவில்லை.

    சூர்யவன்ஷி இதே ஸ்டைலில் தொடர்ந்து ஆட முடியுமா? இப்படியே தொடர முடியுமா? அதுதான் அவர் முன் இருக்கும் சவால். நிறைய திறமை அவரிடம் உள்ளது. மனதளவில் கடினமாகத் திகழ்கிறார். அவருக்கு பின்புலம் உள்ளது. கிரிக்கெட்டுக்கு வைபவ் சூர்யவன்ஷியின் கதை அருமையானது” என்றார் ஸ்டீவ் வாஹ்.



    Share. Facebook Twitter Pinterest LinkedIn Tumblr Email Telegram Copy Link
    admin
    • Website

    Related Posts

    விளையாட்டு

    இந்தியா உடனான 2-வது டெஸ்ட்: ஆடும் லெவனை அறிவித்த இங்கிலாந்து – பும்ரா விளையாடுகிறாரா?

    July 1, 2025
    விளையாட்டு

    கால் இறுதி சுற்றில் நுழைந்தது பிஎஸ்ஜி!

    July 1, 2025
    விளையாட்டு

    சென்னை மாவட்ட சப்-ஜூனியர் கால்பந்து அணிக்கு வீரர், வீராங்கனைகள் தேர்வு

    July 1, 2025
    விளையாட்டு

    வாலிபாலில் சென்னை ஐசிஎஃப் அணி வெற்றி!

    July 1, 2025
    விளையாட்டு

    யுஎஸ் ஒபனில் ஆயுஷ் சாம்பியன்!

    July 1, 2025
    விளையாட்டு

    விம்பிள்டன் டென்னிஸ் தொடர்: டேனியல் மேத்வதேவ் முதல் சுற்றில் அதிர்ச்சி தோல்வி

    July 1, 2025
    Add A Comment
    Leave A Reply Cancel Reply

    Recent Posts

    • சிவகாசி அருகே பட்டாசு ஆலை வெடி விபத்தில் உயிரிழப்பு 6-ஆக அதிகரிப்பு
    • ஆல் டே ப்ராஜெக்ட்ஸ் டார்சான் அறிமுகத்திலிருந்து கே-பாப் ஸ்டான்களிலிருந்து பின்னடைவை எதிர்கொள்கிறது: காட்சிகள் முதல் அதிர்வு வரை, ரசிகர்கள் அதை வாங்கவில்லை
    • சிங்கப்பூர் நைட்ஸ்பாட் மரணம்: அபாயகரமான கும்பல் தாக்குதலுக்காக இந்திய மூல மனிதர்; 2 ஆண்டுகள் சிறைத்தண்டனை – டைம்ஸ் ஆஃப் இந்தியா
    • நன்கொடை கேட்டு தாக்குதல்: விசிகவினரை கண்டித்து மேலூரில் வர்த்தக சங்கம் கடையடைப்பு
    • Prepieabeades அறிகுறிகள்: 5 அறிகுறிகள் முன்னுரிமைகள் (இரத்த பரிசோதனை இல்லாமல்) | – டைம்ஸ் ஆஃப் இந்தியா

    Recent Comments

    No comments to show.

    Archives

    • July 2025
    • June 2025
    • May 2025
    • April 2025

    Categories

    • அறிவியல்
    • ஆன்மீகம்
    • உலகம்
    • கல்வி
    • சினிமா
    • தேசியம்
    • தொழில்நுட்பம்
    • மாநிலம்
    • லைஃப்ஸ்டைல்
    • வணிகம்
    • விளையாட்டு
    © 2025 India Vaani
    • Home

    Type above and press Enter to search. Press Esc to cancel.

    Ad Blocker Enabled!
    Ad Blocker Enabled!
    Our website is made possible by displaying online advertisements to our visitors. Please support us by disabling your Ad Blocker.