ஷென்சென்: சீனா மாஸ்டர்ஸ் பாட்மிண்டன் தொடர் சீனாவில் உள்ள ஷென்சென் நகரில் நடைபெற்று வருகிறது.
இதில் மகளிர் ஒற்றையர் பிரிவு 2-வது சுற்றில் ஒலிம்பிக்கில் இரு முறை பதக்கம் வென்ற இந்தியாவின் பி.வி.சிந்து, போட்டித் தரவரிசையில் 6-வது இடத்தில் உள்ள தாய்லாந்தின் சோச்சுவாங்கை எதிர்த்து விளையாடினார். 41 நிமிடங்கள் நடைபெற்ற இந்த ஆட்டத்தில் பி.வி.சிந்து 21-15, 21-15 என்ற நேர் செட் கணக்கில் வெற்றி பெற்று கால் இறுதி சுற்றுக்கு முன்னேறினார்.
ஆடவர் இரட்டையர் பிரிவு 2-வது சுற்றில் இந்தியாவின் சாட்விக் சாய்ராஜ் ராங்கி ரெட்டி, ஷிராக் ஷெட்டி ஜோடியானது சீன தைபேவின் ஹ்சியாங் சியே சியு, வாங் சி-லின் ஜோடியை எதிர்த்து விளையாடியது. இதில் சாட்விக்-ஷிராக் ஜோடி 21-13, 21-12 என்ற செட் கணக்கில் எளிதாக வெற்றி பெற்று கால் இறுதி சுற்றில் கால்பதித்தது.
