சென்னை: எம்சிசி – முருகப்பா தங்கக் கோப்பை ஹாக்கி தொடர் சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் நடைபெற்று வருகிறது.
இதன் 3-வது நாளான நேற்று ‘ஏ’ பிரிவில் நடைபெற்ற லீக் ஆட்டத்தில் இந்தியன் ரயில்வே 2-1 என்ற கோல் கணக்கில் இந்தியா ராணுவ அணியை தோற்கடித்தது. ரயில்வே அணி சார்பில் தர்ஷன் கவ்கர் (27-வது நிமிடம்), குர்சாகிப்ஜித் சிங் (58-வது நிமிடம்) ஆகியோர் தலா ஒரு கோல் அடித்தனர்.
‘பி’ பிரிவில் நடைபெற்ற ஆட்டத்தில் ஐஓசி 4-3 என்ற கோல் கணக்கில் கர்நாடகா அணியை வீழ்த்தியது. ஐஓசி அணி தரப்பில் குர்ஜிந்தர் சிங் (6-வது நிமிடம்), ரகுநாத் (44-வது நிமிடம்), சுதீப் சிரம்கோ (50-வது நிமிடம்), தல்வீந்தர் சிங் (60-வது நிமிடம்) ஆகியோர் தலா ஒரு கோல் அடித்தனர்.
