Close Menu
    Facebook X (Twitter) Instagram
    Facebook X (Twitter) Instagram
    India VaaniIndia Vaani
    வரி விளம்பரம்
    Tuesday, July 29
    • Home
    • மாநிலம்
    • மாவட்டம்
    • தேசியம்
    • உலகம்
    • அரசியல்
    • ஆன்மீகம்
    • சினிமா
    • விளையாட்டு
    • கல்வி
    • மேலும்
      • வணிகம்
      • மருத்துவம்
      • அறிவியல்
      • தொழில்நுட்பம்
      • லைஃப்ஸ்டைல்
      • சிறப்பு கட்டுரைகள்
    India VaaniIndia Vaani
    Home»விளையாட்டு»இந்திய அணி 587 ரன் குவித்து அசத்தல்: 3 விக்கெட்களை இழந்து இங்கிலாந்து தடுமாற்றம் – ENG vs IND 2வது டெஸ்ட்
    விளையாட்டு

    இந்திய அணி 587 ரன் குவித்து அசத்தல்: 3 விக்கெட்களை இழந்து இங்கிலாந்து தடுமாற்றம் – ENG vs IND 2வது டெஸ்ட்

    adminBy adminJuly 4, 2025No Comments3 Mins Read
    Share Facebook Twitter Pinterest Copy Link LinkedIn Tumblr Email VKontakte Telegram
    இந்திய அணி 587 ரன் குவித்து அசத்தல்: 3 விக்கெட்களை இழந்து இங்கிலாந்து தடுமாற்றம் – ENG vs IND 2வது டெஸ்ட்
    Share
    Facebook Twitter Pinterest Email Copy Link


    பர்மிங்காம்: இங்கிலாந்து அணிக்கு எதிரான 2-வது டெஸ்ட் கிரிக்கெட் போட்டியில் இந்திய அணி 587 ரன்கள் குவித்து ஆட்டமிழந்தது. கேப்டன் ஷூப்மன் கில் 269 ரன்கள் விளாசி அசத்தினார். தொடர்ந்து முதல் இன்னிங்ஸில் விளையாடிய இங்கிலாந்து அணி இரண்டாம் நாள் ஆட்ட முடிவில் 20 ஓவர்களில் 3 விக்கெட்கள் இழப்புக்கு 77 ரன்கள் எடுத்திருந்தது.

    பர்மிங்காமில் உள்ள எட்ஜ்பாஸ்டன் மைதானத்தில் நடைபெற்று வரும் இந்த டெஸ்ட் போட்டியில் இந்திய அணி முதல் நாள் ஆட்டத்தில் 85 ஓவர்களில் 5 விக்கெட்கள் இழப்புக்கு 310 ரன்கள் குவித்தது. கே.எல்.ராகுல் 2, யஷஸ்வி ஜெய்ஸ்வால் 87, கருண் நாயர் 31, ரிஷப் பந்த் 25, நித்திஷ் குமார் ரெட்டி 1 ரன்களில் ஆட்டமிழந்தனர். கேப்டன் ஷுப்மன் கில் 114, ரவீந்திர ஜடோ 41 ரன்களுடன் ஆட்டமிழக்காமல் இருந்தனர்.

    நேற்று 2-வது நாள் ஆட்​டத்தை இந்​திய அணி தொடர்ந்து விளை​யாடியது. ஷுப்​மன் கில்​லும், ஜடேஜா​வும் இங்​கிலாந்து பந்​து​வீச்​சாளர்​களுக்கு அழுத்​தம் கொடுத்து ரன்​கள் சேர்த்​தனர். தனது 23-வது அரை சதத்தை கடந்த ஜடேஜா 137 பந்​து களில், ஒரு சிக்​ஸர், 10 பவுண்​டரிகளு​டன் 89 ரன்​கள் விளாசிய நிலை​யில் ஜோஷ் டங்க் பந்​தில் ஆட்​ட​மிழந்​தார். ஜோஷ் டங்க் வீசிய ஷார்ட் பாலை, ஜடேஜா குதி​காலை தூக்​கியபடி தற்​காப்பு ஆட்​டம் விளை​யாட முயன்​றார். ஆனால் பந்து கையுறை​யில் பட்டு விக்​கெட் கீப்​பர் ஜேமி ஸ்மித்​திடம் எளி​தாக கேட்ச் ஆனது.

    6-வது விக்​கெட்​டுக்கு ஷுப்​மன் கில், ஜடேஜா ஜோடி சுமார் 47 ஓவர்​கள் களத்​தில் நின்று 203 ரன்​கள் சேர்த்தது. இதையடுத்து களமிறங்​கிய வாஷிங்​டன் சுந்​தர் நிதான​மாக விளை​யாட ஷுப்​மன் கில் தாக்​குதல் ஆட்​டம் மேற்​கொண்​டார். அபார​மாக விளை​யாடிய ஷுப்​மன் கில் 311 பந்​துகளில், 2 சிக்​ஸர்​கள், 21 பவுண்​டரி​களு​டன் இரட்டை சதம் விளாசி​னார். இதன் மூலம் இங்​கிலாந்து மண்​ணில் இரட்டை சதம் விளாசிய 3-வது இந்​திய வீரர் என்ற சாதனையை படைத்​தார் ஷுப்​மன் கில். இதற்கு முன்​னர் 1979-ல் சுனில் கவாஸ்​கர் (221), 2002-ல் ராகுல் திரா​விட் (217) ஆகியோர் இரட்டை சதம் அடித்​திருந்​தனர்.

    ஷுப்​மன் கில்​லின் அற்​புத​மான ஆட்​டத்​தால் இந்​திய அணி 129-வது ஓவரில் 500 ரன்​களை கடந்​தது. நிதான​மாக விளை​யாடிய வாஷிங்​டன் சுந்​தர் 103 பந்​துகளில், ஒரு சிக்​ஸர், 3 பவுண்​டரி​களு​டன் 42 ரன்​கள் எடுத்த நிலை​யில் ஜோ ரூட் பந்​தில் போல்​டா​னார். 7-வது விக்​கெட்​டுக்கு வாஷிங்​டன் சுந்​தர், ஷுப்​மன் கில் ஜோடி 144 ரன்​கள் சேர்த்​தது. இதையடுத்து ஆகாஷ் தீப் களமிறங்​கி​னார்.

    அபார​மாக விளை​யாடி வந்த ஷுப்​மன் கில் 387 பந்​துகளில், 3 சிக்​ஸர்​கள், 30 பவுண்​டரி​களு​டன் 269 ரன்​கள் குவித்த நிலை​யில் ஜோஷ் டங்க் வீசிய பந்தை ஸ்கொயர் லெக் திசை​யில் அடித்த போது ஆலி போப்​பிடம் கேட்ச் ஆனது. அப்​போது இந்​திய அணி 144.2 ஓவர்​களில் 8 விக்​கெட்​கள் இழப்​புக்கு 574 ரன்​கள் எடுத்​திருந்​தது. இதைத் தொடர்ந்து ஆகாஷ் தீப் 6 ரன்​னில் ஷோயிப் பஷிர் பந்​தில் ஆட்​ட​மிழந்​தார்.

    கடைசி விக்​கெட்​டாக முகமது சிராஜ் 23 பந்​துகளில் 8 ரன்​கள் எடுத்த நிலை​யில் ஷோயிப் பஷிர் பந்​தில் ஸ்டெம்​பிங் ஆனார். முடி​வில் இந்​திய அணி 151 ஓவர்களில் 587 ரன்​கள் குவித்து முதல் இன்​னிங்​ஸில் ஆட்​ட​மிழந்தது. பிரசித் கிருஷ்ணா 5 ரன்​களு​டன் ஆட்​ட​மிழக்​காமல் இருந்​தார். இங்​கிலாந்து அணி சார்​பில் ஷோயிப் பஷிர் 3 விக்​கெட்​களை வீழ்த்​தி​னார். கிறிஸ் வோக்​ஸ், ஜோஷ் டங்க் ஆகியோர் தலா 2 விக்​கெட்​கள் கைப்​பற்​றினர். இதையடுத்​து இங்​கிலாந்​து அணி பேட்​டிங்​ செய்​யத்​ தொடங்​கியது.

    இங்கிலாந்து தடுமாற்றம்: இங்கிலாந்து அணிக்காக ஸாக் கிராவ்லி மற்றும் பென் டக்கெட் இணைந்து இன்னிங்ஸை தொடங்கினர். அந்த இன்னிங்ஸின் மூன்றாவது ஓவரை இந்தியாவின் ஆகாஷ் தீப் வீசினார். அந்த ஓவரின் நான்காவது பந்தில் டக்கெட் மற்றும் ஐந்தாவது பந்தில் ஆலி போப் என அடுத்தடுத்த பந்துகளில் விக்கெட் வீழ்த்தி இங்கிலாந்தை அப்செட் செய்தார் ஆகாஷ். அதற்கடுத்த பந்தில் ஹாட்ரிக் வீழ்த்தும் வாய்ப்பை மிஸ் செய்தார். ஜோ ரூட் அந்த பந்தை தடுத்து ஆடி இருந்தார்.

    8-வது ஓவரில் கிராவ்லி விக்கெட்டை கைப்பற்றினார் முகமது சிராஜ். பின்னர் 4-வது விக்கெட்டுக்கு ஜோ ரூட் மற்றும் ஹாரி புரூக் இணை 52 ரன்கள் பார்ட்னர்ஷிப் அமைத்தனர். இரண்டாம் நாள் ஆட்ட முடிவில் 20 ஓவர்களில் 3 விக்கெட்கள் இழப்புக்கு 77 ரன்கள் எடுத்துள்ளது இங்கிலாந்து. இன்று மூன்றாம் நாள் ஆட்டம் தொடங்குகிறது.

    ரன் வேட்டையில் டாப்: பர்மிங்காம் டெஸ்டில் இந்திய அணியின் கேப்டன் ஷுப்மன் கில் 269 ரன்கள் விளாசி ஆட்டமிழந்தார். இதன் மூலம் இங்கிலாந்து மண்ணில் நடைபெற்ற டெஸ்ட் போட்டியில் ஓர் இன்னிங்ஸில் அதிக ரன்கள் குவித்த வீரர் என்ற சாதனையை படைத்தார் ஷுப்மன் கில். இதற்கு முன்னர் 1979-ல் தி ஓவல் மைதானத்தில் நடைபெற்ற டெஸ்டின் 4-வது இன்னிங்ஸில் சுனில் கவாஸ்கர் 221 ரன்கள் விளாசியிருந்தார்.



    Share. Facebook Twitter Pinterest LinkedIn Tumblr Email Telegram Copy Link
    admin
    • Website

    Related Posts

    விளையாட்டு

    மகளிர் உலகக் கோப்பை செஸ்: இந்தியாவின் திவ்யா தேஷ்முக் சாம்பியன்

    July 29, 2025
    விளையாட்டு

    5 செஷன்கள் விளையாடுவது எளிதல்ல: சொல்கிறார் பயிற்சியாளர் கவுதம் கம்பீர்

    July 29, 2025
    விளையாட்டு

    பிரான்ஸ் செஸ் போட்டி: இனியன் சாம்பியன்

    July 29, 2025
    விளையாட்டு

    ‘ஆஷஸ் தொடரில் ஆஸி. ஆடுகளங்கள் பேட்டிங்குக்கு சாதகமாக இருக்காது’ – இங்கிலாந்துக்கு ஸ்மித் வார்னிங்

    July 29, 2025
    விளையாட்டு

    “சிரிப்பாக இருக்கிறது…” – இங்கிலாந்து வீரர்களை ‘சம்பவம்’ செய்த அஸ்வின்!

    July 28, 2025
    விளையாட்டு

    உலகக் கோப்பை செஸ் சாம்பியன் பட்டம் வென்று இந்திய வீராங்கனை திவ்யா வரலாற்று சாதனை!

    July 28, 2025
    Add A Comment
    Leave A Reply Cancel Reply

    Recent Posts

    • “பாஜக கூட்டணியில் பல கட்சிகள் உள்ளன” – எடப்பாடி பழனிசாமி விளக்கம்
    • முட்டைகளை சாப்பிடுவது மோசமான கொழுப்பைக் குறைக்கலாம், பழைய நம்பிக்கைக்கு மாறாக, புதிய ஆய்வைக் காணலாம் | – டைம்ஸ் ஆஃப் இந்தியா
    • மதுரையில் தவெக மாநாடு பணிகளை ஆய்வு செய்த ஆனந்த் – தேதியை மாற்ற போலீஸார் ஆலோசனை
    • சலுகைகளால் ஜவுளி தொழில் துறையினரை ஈர்க்கும் ஒடிசா – தமிழகம் செய்ய வேண்டியது என்ன?
    • கடுமையான உடல்நலப் பிரச்சினைகளை சுட்டிக்காட்டக்கூடிய நரம்பு நோயின் எச்சரிக்கை அறிகுறிகள் | – டைம்ஸ் ஆஃப் இந்தியா

    Recent Comments

    No comments to show.

    Archives

    • July 2025
    • June 2025
    • May 2025
    • April 2025

    Categories

    • அறிவியல்
    • ஆன்மீகம்
    • உலகம்
    • கல்வி
    • சினிமா
    • தேசியம்
    • தொழில்நுட்பம்
    • மாநிலம்
    • லைஃப்ஸ்டைல்
    • வணிகம்
    • விளையாட்டு
    © 2025 India Vaani
    • Home

    Type above and press Enter to search. Press Esc to cancel.

    Ad Blocker Enabled!
    Ad Blocker Enabled!
    Our website is made possible by displaying online advertisements to our visitors. Please support us by disabling your Ad Blocker.