சென்னை: 22 காரட் ஆபரணத் தங்கத்தின் விலை இன்று (அக்.6) புதிய உச்சத்தை எட்டியுள்ளது. ஒரு கிராம் தங்கம் ரூ.11,000-ஐ கடந்து சந்தையில் விற்பனை ஆகிறது.
சர்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. அமெரிக்காவில் இறக்குமதி செய்யப்படும் இந்திய பொருட்களுக்கு 50 சதவீதம் வரி விதிப்பு, டாலருக்கு நிகரான இந்திய ரூபாயின் மதிப்பில் சரிவு, உக்ரைன் – ரஷ்யா போர், இஸ்ரேல் – ஹமாஸ் மோதல் உள்ளிட்டவற்றின் அடிப்படையில் தங்கம் விலை அமைகிறது.
கடந்த 1-ம் தேதி தங்கம் விலை ஒரு பவுன் ரூ.87,600 என்ற உச்சத்தை எட்டியது. இந்நிலையில், தங்கம் விலை மீண்டும் இன்று வரலாறு காணாத புதிய உச்சத்தை எட்டியுள்ளது. சென்னையில் 22 காரட் ஆபரணத் தங்கத்தின் விலை கிராமுக்கு ரூ.110 குறைந்து, ஒரு கிராம் ரூ.11,060-க்கு விற்பனை ஆகிறது. பவுனுக்கு ரூ.880 உயர்ந்து, ஒரு பவுன் தங்கம் ரூ.88,480-க்கு விற்பனை ஆகிறது.
இன்று வெள்ளி விலை கிராம் ஒன்றுக்கு ரூ.1 என உயர்ந்து, ஒரு கிராம் ரூ.166-க்கு விற்பனை ஆகிறது. கட்டி வெள்ளி கிலோவுக்கு ரூ.1,000 குறைந்து, ரூ.1,66,000-க்கு விற்பனை ஆகிறது.
