சென்னை: தங்கம் விலை பவுனுக்கு ரூ.680 உயர்ந்து ரூ.76,960-க்கு விற்பனையாகிறது.
தங்கம் விலை சர்வதேச அளவிலான பொருளாதாரம் மற்றும் சந்தை நிலவரத்துக்கு ஏற்பவே நிர்ணயமாகிறது. அந்த வகையில், அமெரிக்கா இந்தியா மீது 50% வரி விதித்துள்ள நிலையில் அதன் தாக்கம் இந்திய வர்த்தக துறையில் பல்வேறு தாக்கத்தை ஏற்படுத்தி உள்ளது.
இதன் எதிரொலியாக நேற்று (ஆகஸ்ட் 29) ஒரே நாளில் இருமுறை உயர்ந்த தங்கம் விலை ரூ.76,280-க்கு விற்பனையானது. இந்த நிலையில் சென்னையில் ஆபரணத் தங்கம் விலை இன்று காலை, பவுனுக்கு ரூ.680 உயர்ந்து ரூ.76,960-க்கு விற்பனையாகிறது. கடந்த 2 நாட்களில் ரூ.1,720 உயர்ந்து ஒரு பவுன் தங்கம் விலை ரூ.77,000 நெருங்கியுள்ளது வாடிக்கையாளர்களுக்கு அதிர்ச்சியை ஏற்படுத்தியுள்ளது.
வெள்ளியின் விலை கிராமுக்கு ரூ.3 உயர்ந்து ரூ.134-க்கு விற்பனை ஆகிறது. கிலோவுக்கு ரூ.3,000 உயர்ந்து ரூ.1,34,000க்கு விற்பனை செய்யப்படுகிறது. கடந்த திங்கட்கிழமை தொடங்கி இன்று வரை தங்கத்தின் விலை தொடர்ந்து ஏறுமுகத்தில் உள்ளது. ஆகஸ்ட் 25-ம் தேதி திங்கள்கிழமை சென்னையில் ஆபரணத் தங்கம் ஒரு பவுன் ரூ.74,440 -க்கு விற்பனை செய்யப்பட்டது குறிப்பிடத்தக்கது.
