சென்னை: சென்னையில் ஆபரணத் தங்கத்தின் விலை இன்று (ஜூன் 7) பவுனுக்கு ரூ.1,200 குறைந்துள்ளது. இதனால் ஒரு பவுன் தங்கம் ரூ.71,840-க்கு விற்பனை ஆகிறது. நேற்று தங்கம் விலையில் மாற்றம் எதுவும் இல்லாத நிலையில் இன்று ஒரே நாளில் பவுனுக்கு ரூ.1,200 குறைந்துள்ளது குறிப்பிடத்தக்கது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு அடிப்படையில் இந்தியாவில் தங்கம் விலை நிர்ணயிக்கப்படுகிறது. அதோடு உலக நாடுகளின் வர்த்தக ரீதியான செயல்பாடும் தங்கத்தின் விலையில் தாக்கத்தை ஏற்படுத்துகிறது. அதன்படி, தங்கம் விலை உயர்ந்தும், குறைந்தும் வருகிறது.
இந்நிலையில், சென்னையில் 22 காரட் ஆபரணத் தங்கத்தின் விலை இன்று (ஜூன் 7) கிராமுக்கு ரூ.150 குறைந்து, ஒரு கிராம் ரூ.8,980-க்கும், பவுனுக்கு ரூ.1,200 குறைந்து ஒரு பவுன் தங்கம் ரூ.71,840-க்கும் விற்பனை ஆகிறது. 24 காரட் தங்கம் கிராமுக்கு ரூ.9,796 என விற்பனை ஆகிறது.
நேற்று 22 காரட் ஆபரணத் தங்கம் ஒரு பவுன் ரூ. 73,040-க்கு விற்பனையானது. கடந்த சில நாட்களாக தொடர்ந்து தங்கம் விலை உயர்ந்து வந்த நிலையில் இன்று ஒரே நாளில் பவுனுக்கு ரூ.1,200 குறைந்துள்ளது நகை வாங்குவோர் மத்தியில் மகிழ்ச்சியை ஏற்படுத்தியுள்ளது.
