புனே: இந்தியாவின் சொகுசு கார் விற்பனையில் மெர்சிடிஸ் பென்ஸ் முதலிடத்தில் உள்ளதாக அந்நிறுவனத்தின் தலைமை செயல் அதிகாரி சந்தோஷ் ஐயர் கூறினார்.
மெர்சிடிஸ் பென்ஸ் நிறுவனம் சார்பில் புனே நகரில் 100 ஏக்கரில் நிறுவப்பட்டுள்ள கார் உற்பத்தி ஆலையில் அனைத்து ரக பெட்ரோல், டீசல்
கார்களுடன், மின்சார கார்களும் தயாரிக்கப்படுகின்றன. இங்கு பணிபுரியும் 800 பேரில் சுமார் 30 சதவீதம் பேர் பெண்கள். இந்நிலையில், மெர்சிடிஸ் பென்ஸ் இந்தியா நிறுவன தலைமை செயல் அதிகாரி சந்தோஷ் ஐயர் செய்திாளர்களிடம் கூறியதாவது: இந்தியாவில் ஆண்டுதோறும் சராசரியாக 50,000 சொகுசு கார்கள் விற்பனையாகும் நிலையில், அதில் 20 ஆயிரம் கார்கள் பென்ஸ் கார்களாகும். எங்கள் நிறுவனம் செயல்திறன், தொழில்நுட்பம் மற்றும் பாதுகாப்பில் மிகுந்த கவனம் செலுத்துகிறது.
