சென்னை: சென்னையில் இன்று (ஜூலை 17) 6 வார்டுகளில் ‘உங்களுடன் ஸ்டாலின்’ திட்ட முகாம்கள் நடைபெற உள்ளன.
இது தொடர்பாக சென்னை மாநகராட்சி வெளியிட்ட செய்திக்குறிப்பில் கூறியிருப்பதாவது: சென்னை மாநகராட்சிப் பகுதிகளில் உங்களுடன் ஸ்டாலின் திட்ட முகாம், மாதவரம் மண்டலம், 32-வது வார்டு, சூரப்பட்டு சந்திப்பு, அம்பத்தூர்- ரெட்ஹில்ஸ் சாலையில் உள்ள ஸ்ரீவரத மஹாலில் நடைபெற உள்ளது.
ராயபுரம் மண்டலம், 49-வது வார்டு, பழைய வண்ணாரப்பேட்டை, ஜி.ஏ.சாலையில் உள்ள மைனா பார்ட்டி ஹால், அம்பத்தூர் மண்டலம், 80-வது வார்டு, புதூர், கிழக்கு பானு நகர், ரெட்ஹில்ஸ் சாலை, மல்லிகா மஹால் ஆகிய இடங்களில் நடைபெற உள்ளன.
மேலும், கோடம்பாக்கம் மண்டலம், 130-வது வார்டு, வடபழனி, 100 அடி சாலையில் உள்ள ஆர்த்தி மஹால், பெருங்குடி மண்டலம், பஞ்சாயத்து அலுவலகச் சாலையில் உள்ள 184-வது வார்டு அலுவலகம், சோழிங்கநல்லூர் மண்டலம், 192-வது வார்டில், நீலாங்கரை, சுகன்யா திருமண மண்டபம் ஆகிய இடங்களிலும் நடைபெற உள்ளன.
இம்முகாம்கள் காலை 9 முதல் மாலை 3 மணி வரை நடைபெறும். பொதுமக்கள் தங்கள் வார்டுகளில் நடைபெறும் முகாமில் பங்கேற்று பயன்பெற வேண்டும். இவ்வாறு செய்திக்குறிப்பில் கூறப்பட்டுள்ளது.
