சென்னை: சென்னையில் இன்று நடைபெறவுள்ள உங்களுடன் ஸ்டாலின் முகாம் குறித்த விவரத்தை, மாநகராட்சி வெளியிட்டுள்ளது.
இது தொடர்பாக, வெளியிடப்பட்ட செய்திக்குறிப்பு: திருவொற்றியூர் மண்டலம் வார்டு 1-ல் கத்திவாக்கம் நெடுஞ்சாலையில் உள்ள கத்திவாக்கம் அரசு உயர்நிலைப் பள்ளி விளையாட்டு மைதானம், மாதவரம் மண்டலம், வார்டு 24-ல் புனித அந்தோணி நகர் ஜிஎன்டி சாலையில் உள்ள தியா கல்யாண மண்டபம், தண்டையார்பேட்டை மண்டலம், வார்டு 38-ல் தண்டையார்பேட்டை, படேல் நகர் சென்னை உயர்நிலைப்பள்ளி, ராயபுரம் மண்டலம், வார்டு 62-ல் சிந்தாதிரிப்பேட்டை, அருணாச்சலம் சாலையில் உள்ள மே தின விளையாட்டு மைதானம், திருவிக நகர் மண்டலம், வார்டு 64-ல் ஸ்ரீநிவாசன் நகரில் உள்ள பழைய பள்ளிக் கட்டிடம்.
அம்பத்தூர் மண்டலம், வார்டு 85-ல் உள்ள டன்லப் கிரவுண்ட், அண்ணாநகர் மண்டலம், வார்டு 105-ல் அரும்பாக்கம், எம்எம்டிஏ காலனியில் உள்ள முகமது சதக் மெட்ரிக் மேல்நிலைப் பள்ளி, தேனாம்பேட்டை மண்டலம் வார்டு 126-ல் மந்தைவெளி, கேனல் பங்க் சாலை, அல்போன்சா விளையாட்டு மைதானத்தில் உள்ள உள் விளையாட்டு அரங்கம், அடையாறு மண்டலம், வார்டு 168-ல் கிண்டி, லேபர் காலனி, அருளயம்மாபேட்டை பிரதான சாலையில் உள்ள லயன்ஸ் கிளப் தொடக்கப் பள்ளி, பெருங்குடி மண்டலம், வார்டு 184-ல் அம்பேத்கர் நகர், பரணி தெரு, எம்ஜிஆர் சாலையில் உள்ள நாகம்மை அடிகளார் பள்ளி.
சோழிங்கநல்லூர் மண்டலம், வார்டு 197-ல் பனையூர், குடுமியாண்டி தோப்பு பள்ளி பிரதான சாலையில் உள்ள சுனாமி கட்டிட பள்ளி வளாகம் ஆகிய 11 வார்டுகளில் இன்று உங்களுடன் ஸ்டாலின் முகாம் நடைபெறவுள்ளது.
இந்த முகாம்கள் காலை 9 மணிமுதல் மாலை 3 மணிவரை நடைபெறும். இவ்வாறு அதில் தெரிவிக்கப்பட்டுள்ளது.
