சென்னை: இந்தியாவில் விவோ டி4ஆர் 5ஜி ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
சீன தேசத்தின் ஸ்மார்ட்போன் உற்பத்தி நிறுவனமான விவோ, உலகம் முழுவதும் தனது பிராண்டின் கீழ் போன்களை உற்பத்தி செய்து, விற்பனை செய்யும் பணியையும் கவனித்து வருகிறது. அதனால் தனது வாடிக்கையாளர்களை கவரும் வகையில் அந்நிறுவனம் புதிய மாடல் போன்களை சந்தையில் அறிமுகம் செய்வது வழக்கம்.
அந்த வகையில் இப்போது இந்தியாவில் டி4ஆர் ஸ்மார்ட்போன் அறிமுகம் ஆகியுள்ளது. விவோ நிறுவனத்தின் ‘T’ வரிசை போன்கள் இந்திய ஸ்மார்ட்போன் பயனர்கள் மத்தியில் சிறப்பான வரவேற்பு உள்ளது குறிப்பிடத்தக்கது. கடந்த 2021-ல் டி1 மாடல் அறிமுகமானது. தொடர்ந்து டி2 மற்றும் டி3 மாடல்களின் வேரியன்ட்கள் அறிமுகமாகின. தற்போது டி4 மாடலில் ஒரு வேரியன்டான டி4ஆர் அறிமுகமாகி உள்ளது.
விவோ டி4ஆர் ஸ்மார்ட்போனின் சிறப்பு அம்சங்கள் என்னென்ன?
- 6.77 இன்ச் கர்வ்டு AMOLED டிஸ்பிளே
- மீடியாடெக் டிமான்சிட்டி 7400 ப்ராசஸர்
- ஆண்ட்ராய்டு 15 இயங்குதளம்
- 2 ஆண்டுகளுக்கு இயங்குதள அப்டேட் சப்போர்ட் மற்றும் 3 ஆண்டுகளுக்கு செக்யூரிட்டி பாதுகாப்பு அம்சங்கள் சார்ந்த சப்போர்ட் அறிவிக்கப்பட்டுள்ளது
- ஏஐ அம்சங்களும் இந்த போனில் இடம்பெற்றுள்ளது
- பின்பக்கத்தில் இரண்டு கேமரா உள்ளது. அதில் 50 மெகாபிக்சல் கொண்டுள்ளது பிரதான கேமரா
- 32 மெகாபிக்சல் கொண்டுள்ளது செல்ஃபி கேமரா
- 8ஜிபி / 12ஜிபி ரேம்
- 128ஜிபி / 256ஜிபி ஸ்டோரேஜ்
- 5700 mAh பேட்டரி
- 44 வாட்ஸ் சார்ஜிங் ஸ்பீடு
- 5ஜி நெட்வொர்க்
- யுஎஸ்பி டைப்-சி போர்ட்
- இந்த போனின் விலை ரூ.17,499 முதல் ஆரம்பமாகிறது
