சென்னை: இந்திய சந்தையில் போக்கோ எம்7 பிளஸ் ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
சீன தேசத்தை தலைமையிடமாக கொண்டு பல்வேறு எலக்ட்ரானிக் சாதனங்களை உற்பத்தி செய்து வருகின்ற நிறுவனம்தான் சியோமி. இதன் பிராண்டான போக்கோ கடந்த 2018-ல் அறிமுகம் செய்யப்பட்டது. கடந்த 2021 முதல் இந்தியாவில் தங்களுக்கென பிரத்யேக லோகோ உடன் இயங்கி வரும் போக்கோ, பல்வேறு மாடல்களில் போன்களை வெளியிட்டு வருகிறது.
அந்த வகையில் இந்தியாவில் தற்போது போக்கோ எம்7 பிளஸ் 5ஜி ஸ்மார்ட்போனை அந்நிறுவனம் அறிமுகம் செய்துள்ளது. பட்ஜெட் பிரிவில் போனை வாங்க விரும்பும் பயனர்களை கருத்தில் கொண்டு இந்த போனை போக்கோ அறிமுகம் செய்துள்ளது. இந்த போனில் ரிவர்ஸ் சார்ஜிங் அம்சமும் உள்ளது.
போக்கோ எம்7 பிளஸ் போனின் சிறப்பு அம்சங்கள் என்னென்ன?
- 6.9 இன்ச் எல்சிடி டிஸ்பிளே
- ஆண்ட்ராய்டு 15 இயங்குதளம்
- ஸ்னாப்டிராகன் 6எஸ் ஜெனரேஷன் 3 சிப்செட்
- பின்பக்கத்தில் இரண்டு கேமரா. அதில் 50 மெகாபிக்சல் கொண்டுள்ளது பிரதான கேமரா
- 8 மெகாபிக்சல் கொண்டுள்ளது செல்ஃபி கேமரா
- 7,000mAh பேட்டரி
- 33 வாட்ஸ் சார்ஜிங் ஸ்பீடு
- வயர்லெஸ் சார்ஜிங் சப்போர்ட்
- 5ஜி நெட்வொர்க்
- யுஎஸ்பி டைப்-சி போர்ட்
- 6ஜிபி / 8ஜிபி ரேம்
- 128ஜிபி ஸ்டோரேஜ்
- இந்த போன் அறிமுக சலுகை விலையில் ரூ.12,999 முதல் விற்பனைக்கு வந்துள்ளது
