Close Menu
    Facebook X (Twitter) Instagram
    Facebook X (Twitter) Instagram
    India VaaniIndia Vaani
    வரி விளம்பரம்
    Saturday, August 2
    • Home
    • மாநிலம்
    • மாவட்டம்
    • தேசியம்
    • உலகம்
    • அரசியல்
    • ஆன்மீகம்
    • சினிமா
    • விளையாட்டு
    • கல்வி
    • மேலும்
      • வணிகம்
      • மருத்துவம்
      • அறிவியல்
      • தொழில்நுட்பம்
      • லைஃப்ஸ்டைல்
      • சிறப்பு கட்டுரைகள்
    India VaaniIndia Vaani
    Home»தேசியம்»பரமக்குடி – ராமநாதபுரம் இடையே ரூ.1,853 கோடியில் நான்கு வழிச் சாலை திட்டம்: மத்திய அமைச்சரவை ஒப்புதல்
    தேசியம்

    பரமக்குடி – ராமநாதபுரம் இடையே ரூ.1,853 கோடியில் நான்கு வழிச் சாலை திட்டம்: மத்திய அமைச்சரவை ஒப்புதல்

    adminBy adminJuly 2, 2025No Comments2 Mins Read
    Share Facebook Twitter Pinterest Copy Link LinkedIn Tumblr Email VKontakte Telegram
    பரமக்குடி – ராமநாதபுரம் இடையே ரூ.1,853 கோடியில் நான்கு வழிச் சாலை திட்டம்: மத்திய அமைச்சரவை ஒப்புதல்
    Share
    Facebook Twitter Pinterest Email Copy Link


    புதுடெல்லி: பரமக்குடி-ராமநாதபுரம் இடையே ரூ.1,853 கோடியில் 46.7 கி.மீ. தொலைவுக்கு 4 வழிச்சாலை அமைக்கும் திட்டத்துக்கு மத்திய அமைச்சரவை ஒப்புதல் அளித்துள்ளது.

    பிரதமர் நரேந்திர மோடி தலைமையில் டெல்லியில் நேற்று மத்திய அமைச்சரவைக் கூட்டம் நடைபெற்றது. இந்த கூட்டத்தில் எடுக்கப்பட்ட முடிவுகள் குறித்து மத்திய ரயில்வே அமைச்சர் அஸ்வினி வைஷ்ணவ் செய்தியாளர்களிடம் கூறியதாவது: வேலைவாய்ப்புடன் இணைந்த ஊக்கத்தொகை (இஎல்ஐ) திட்டம், ஆராய்ச்சி மேம்பாடு மற்றும் புதுமைத் திட்டம்(ஆர்டிஐ), தேசிய விளையாட்டுக் கொள்கை, தமிழகத்தில் உட்கட்டமைப்பு மேம்பாட்டுத் திட்டம் உள்ளிட்ட திட்டங்களுக்கு மத்திய அமைச்சரவை ஒப்புதல் வழங்கியுள்ளது.

    4 முக்கிய முடிவுகள்.. ரூ.3 லட்சம் கோடிக்கும் அதிகமான தொகையில் இந்த திட்டங்கள் தொடங்கப்பட உள்ளன. பிரதமர் மோடியின் தலைமையில் எடுக்கப்பட்ட இந்த 4 முக்கிய முடிவுகள், இளைஞர்களை மேம்படுத்துதல், புதுமைகளை ஆதரித்தல், விளையாட்டுகளை மேம்படுத்துதல், உலகத்தரம் வாய்ந்த உட்கட்டமைப்பை உருவாக்குதல் ஆகியவற்றை நோக்க மாகக் கொண்டுள்ளன. தமிழகத்தில் பரமக்குடி, ராமநாதபுரம் இடையே ரூ,1,853 கோடியில் 4 வழிச்சாலைத் திட்டம் அமைய மத்திய அமைச்சரவை ஒப்புதல் அளித்துள்ளது. தற்போது, மதுரை, பரமக்குடி, ராமநாதபுரம், மண்டபம், ராமேசுவரம், தனுஷ்கோடி இடையிலான இரு வழி தேசிய நெடுஞ்சாலை எண்.87, அதனுடன் தொடர்புடைய மாநில நெடுஞ்சாலைகளை இணைக்கும் வகையில் இந்த 4 வழிச் சாலை அமைக்கப்பட உள்ளது.

    இந்த மேம்படுத்தப்பட்ட வழித்தடம், மதுரை, ராமேசுவரம் ஆகிய 2 முக்கிய ரயில் நிலையங்கள், மதுரை விமான நிலையம், பாம்பன், ராமேசுவரம் துறைமுகங்கள் ஆகியவற்றுடன் இணைப்பை ஏற்படுத்துவதன் மூலம் பல்முனை போக்குவரத்து ஒருங்கிணைப்பை உறுதி செய்யும். இந்த திட்டம் நிறைவடைந்தவுடன், இப்பகுதியில் பொருளாதார வளர்ச்சி மேம்படுவதுடன், வழிபாட்டு மற்றும் பொருளாதார மையங்களுக்கு இடையிலான இணைப்பையும் வலுப்படுத்த உதவும். ராமேசுவரம்,தனுஷ்கோடியில் சுற்றுலாவை மேம்படுத்தவும் இது உதவும்.

    வேலைவாய்ப்பு ஊக்கத்தொகை: மேலும், ரூ.1.07 லட்சம் கோடியில் வேலைவாய்ப்புடன் இணைந்த ஊக்கத்தொகை திட்டமும் அமல்படுத்தப்பட உள்ளது. வேலைவாய்ப்பு, உற்பத்தி துறைகளை மேம்படுத்தும் நோக்கில் இது கொண்டு வரப்படவுள்ளது. இதன்மூலம் முதல்முறையாக வேலையை உருவாக்கும் முதலாளிகளுக்கு ஊக்கத்தொகை வழங்கப்படும். கடந்த பட்ஜெட் தாக்கல் செய்யப்பட்டபோது அறிவிக்கப்பட்ட இந்த திட்டத்தை தற்போது அமலுக்கு கொண்டு வருகிறோம்.

    ஆராய்ச்சி மேம்பாடு: ஆர்டிஐ எனப்படும் ஆராய்ச்சி மேம்பாடு மற்றும் புதுமைத் திட்டம் ரூ.1 லட்சம் கோடியில் அமல்படுத்தப்பட உள்ளது. இந்த திட்டம் உலகளாவிய சிறந்த நடைமுறைகளை அடிப்படையாகக் கொண்டதாகும். மேலும், ஆராய்ச்சியின் அடிப்படையில் உருவாக்கப்பட்ட திட்டங்களை உறுதியான தயாரிப்புகளாக மாற்றுவதை நோக்கமாக கொண்டுள்ளது.

    நாட்டில் விளையாட்டுத் துறையை அடுத்த 10 ஆண்டுகளில் வளர்ச்சி மிகுந்த துறையாக மாற்ற அரசு உறுதி பூண்டுள்ளது. அதற்காக தேசிய விளையாட்டுக் கொள்கை-2025 அறிமுகம் செய்யப்பட உள்ளது. இதற்கு மத்திய அமைச்சரவை ஒப்புதல் அளித்துள்ளது. இந்த விரிவான கொள்கை, அடிமட்டத்திலிருந்து உயர்மட்டம் வரை வீரர், வீராங்கனைகளின் விளையாட்டுத் திறமையை வளர்ப்பது, பயிற்சியை மேம்படுத்துவது, நாட்டின் விளையாட்டு உட்கட்டமைப்பை வலுப் படுத்துதல் ஆகியவற்றை நோக்கமாகக் கொண்டுள்ளது. இவ்வாறு மத்திய அமைச்சர் அஸ்வினி வைஷ்ணவ் தெரிவித்தார்.

    3.5 கோடி வேலைவாய்ப்பு: வேலைவாய்ப்புடன் இணைந்த ஊக்கத்தொகை (இஎல்ஐ) திட்டத்தின் கீழ் 2 ஆண்டுகளில் 3.5 கோடி பேருக்கு வேலைவாய்ப்பு கிடைக்கும். இந்த திட்டத்தின் கீழ் உற்பத்தித்துறையில் சேரும் இளைஞர்களுக்கு மாதம்தோறும் ரூ.15 ஆயிரம் ஊதியமாக கிடைக்கும். அதேநேரத்தில் வேலைவாய்ப்பை உருவாக்கும் முதலாளிகளுக்கு 2 ஆண்டுகளுக்கு ஊக்கத்தொகையை மத்திய அரசு வழங்கும் என்று தெரிய வந்துள்ளது.



    Share. Facebook Twitter Pinterest LinkedIn Tumblr Email Telegram Copy Link
    admin
    • Website

    Related Posts

    தேசியம்

    டெல்லியில் 10-வது சர்வதேச போலீஸ் கண்காட்சி தொடக்கம்

    August 2, 2025
    தேசியம்

    பிரஜ்வல் ரேவண்ணாவுக்கு சாகும் வரை ஆயுள்: பாலியல் வழக்கில் நீதிமன்றம் அதிரடி தீர்ப்பு

    August 2, 2025
    தேசியம்

    பாகிஸ்தான் பயங்கராத முகாம்களை இந்தியா அழித்ததை காங்கிரஸால் ஜீரணிக்க முடியவில்லை: பிரதமர் மோடி

    August 2, 2025
    தேசியம்

    சத்தீஸ்கரில் கன்னியாஸ்திரிகள் ஜாமீனில் விடுவிப்பு – கேரள அரசியல் கட்சிகள் வரவேற்பு

    August 2, 2025
    தேசியம்

    ஜார்க்கண்ட் முன்னாள் முதல்வர் ஷிபு சோரன் கவலைக்கிடம்

    August 2, 2025
    தேசியம்

    ‘பாலியல் வன்கொடுமையை தவிர்க்க வீட்டிலேயே இருங்கள்’ – குஜராத் போலீஸ் போஸ்டரால் சர்ச்சை

    August 2, 2025
    Add A Comment
    Leave A Reply Cancel Reply

    Recent Posts

    • விழுப்புரம் ‘நலம் காக்கும் ஸ்டாலின்’ முகாம் நெரிசலில் சிக்கித் தவித்த நோயாளிகள்!
    • “அம்மா ஆரோக்கிய திட்டத்தையே ‘நலம் காக்கும் ஸ்டாலின்’ என நடத்துகின்றனர்” – இபிஎஸ் தாக்கு
    • “அதிமுக ஆட்சி அமைந்ததும் போதைப் பொருள் நடமாட்டத்துக்கு முடிவு கட்டப்படும்” – பழனிசாமி உறுதி
    • நரம்பு மண்டலத்தை ஒழுங்குபடுத்துவதற்கான 9 ஆயுர்வேத பழக்கம்
    • சுங்க கட்டண நிலுவையில் 50 சதவீதத்தை ஆக.15-க்குள் செலுத்த முடிவு: ஐகோர்ட்டில் தமிழக அரசு தகவல்

    Recent Comments

    No comments to show.

    Archives

    • August 2025
    • July 2025
    • June 2025
    • May 2025
    • April 2025

    Categories

    • அறிவியல்
    • ஆன்மீகம்
    • உலகம்
    • கல்வி
    • சினிமா
    • தேசியம்
    • தொழில்நுட்பம்
    • மாநிலம்
    • லைஃப்ஸ்டைல்
    • வணிகம்
    • விளையாட்டு
    © 2025 India Vaani
    • Home

    Type above and press Enter to search. Press Esc to cancel.

    Ad Blocker Enabled!
    Ad Blocker Enabled!
    Our website is made possible by displaying online advertisements to our visitors. Please support us by disabling your Ad Blocker.