‘தி பாரடைஸ்’ படத்தில் நானிக்கு வில்லனாக நடிக்கவுள்ளார் ‘கில்’ வில்லன் ராகவ் ஜூயல்.
‘தசரா’ இயக்குநர் ஸ்ரீகாந்த் ஓடேலா இயக்கத்தில் நானி நடித்து வரும் படம் ‘தி பாரடைஸ்’. இதில் நானி உடன் நடித்து வருபவர்கள் குறித்த தகவல்களை மிகவும் ரகசியமாக வைத்துள்ளது படக்குழு. தற்போது இப்படத்தில் வில்லனாக ‘கில்’ படத்தில் நடித்த ராகவல் ஜூயல் நடிக்கவிருப்பது உறுதியாகி இருக்கிறது.
‘கில்’ படத்தில் வில்லனாக நடித்து அனைவரது பாராட்டையும் பெற்றவர் ராகவ் ஜூயல் என்பது குறிப்பிடத்தக்கது. அவர் நடிக்கும் முதல் தென்னிந்திய படமாக ‘தி பாரடைஸ்’ அமைந்திருக்கிறது. அவரது படப்பிடிப்பு காட்சிகள் விரைவில் துவங்கவுள்ளது. தற்போது ‘தி பாரடைஸ்’ படத்துக்காக உருவாக்கப்பட்ட பிரம்மாண்ட அரங்கில் நானி சம்பந்தப்பட்ட காட்சிகளை படமாக்கி வருகிறது படக்குழு.
‘தி பாரடைஸ்’ படத்தினை எஸ்எல்வி சினிமாஸ் நிறுவனம் தயாரித்து வருகிறது. இப்படம் தமிழ், தெலுங்கு, மலையாளம், கன்னடம், இந்தி, வங்காளம், ஆங்கிலம் மற்றும் ஸ்பானிஷ் என பன்மொழிகளில் வெளியாகிறது. அடுத்த ஆண்டு மார்ச் 26-ம் தேதி இப்படம் வெளியாகவுள்ளது.
