‘வா வாத்தியார்’ திரைப்படம் டிசம்பரில் வெளியாகும் என்று படக்குழு அறிவித்துள்ளது.
நலன் குமாரசாமி இயக்கத்தில் கார்த்தி நடிப்பில் உருவாகியுள்ள படம் ‘வா வாத்தியார்’. இதன் படப்பிடிப்பு முடிவடைந்தாலும், எப்போது வெளியீடு என்பது தெரியாமல் இருந்தது. தற்போது இப்படம் டிசம்பரில் வெளியிடப்படும் என்று படக்குழு அதிகாரபூர்வமாக அறிவித்துள்ளது. விரைவில் விளம்பரப்படுத்தும் பணிகளை தொடங்கவுள்ளது படக்குழு.
ஸ்டூடியோ க்ரீன் நிறுவனம் தயாரிப்பில் உருவாகியுள்ள படம் ‘வா வாத்தியார்’. நலன் குமாரசாமி இயக்கத்தில் சத்யராஜ், ராஜ்கிரண், கீர்த்தி ஷெட்டி, கருணாகரன் உள்ளிட்ட பலர் கார்த்தியுடன் நடித்துள்ளனர். இதற்கு சந்தோஷ் நாராயணன் இசையமைத்து வருகிறார். இப்படத்தில் இருந்து டீசர் மற்றும் ஒரு பாடலை மட்டுமே படக்குழு இதுவரை வெளியிட்டுள்ளது.
ஸ்டூடியோ க்ரீன் நிறுவனத்துக்கு ஏற்பட்ட நிதி நெருக்கடியால் இப்படம் வெளியாவதில் தாமதம் ஏற்பட்டது. தற்போது அனைத்தும் சரி செய்யப்பட்டதால் டிசம்பரில் வெளியாகவுள்ளது. இதன் ஓடிடி உரிமையினை அமேசான் ப்ரைம் நிறுவனம் முதலிலேயே கைப்பற்றிவிட்டது.
