மண்டல கால வழிபாடு தொடங்கியதை முன்னிட்டு ஏராளமான ஐயப்ப பக்தர்கள் சரண கோஷங்களுடன் ஆரவாரமாக வழிபாடுகளை மேற்கொண்டு வருகின்றனர்.
முதல் நாளான நேற்று ஆந்திரா, கர்நாடகா, தெலுங்கானா பக்தர்களின் வருகை அதிகம் இருந்தது. பிற்பகலிலே பம்பை, எரிமேலி உள்ளிட்ட பகுதிகளில் பக்தர்களின் நெரிசல் அதிகரித்தது. பொதுவாக மாலையில்தான் பக்தர்கள் சபரிமலைக்கு அனுமதிக்கப்படுவது வழக்கம். ஆனால் கூட்டம் அதிகமாக இருந்ததால் பிற்பகலிலே மலையேற அனுமதிக்கப்பட்டனர். இதனால் நீலிமலை, மரக்கூட்டம், அப்பாச்சிமேடு, நடைப்பந்தல் உள்ளிட்ட பகுதிகளில் பக்தர்களின் கூட்டம் அளவுக்கு அதிகமாக இருந்தது.
